Ciclo de Conferencias Científicas Aida Fernández Ríos

Ciclo de Conferencias Científicas Aida Fernández Ríos

A Real Academia Galega de Ciencias (RAGC) e a Deputación de Pontevedra consideran de interese común a colaboración para a realización da II Edición do Ciclo de Conferencias Aida Fernández Ríos para o ano 2021 e así promover o interese do público xeral, ademais de impulsar o enorme labor científico levado a cabo en Galicia.

A RAGC leva organizando actividades, cursos e ciclos de conferencias en toda a comunidade galega desde a súa fundación no ano 1973, e en liña cos seus obxectivos (difundir a ciencia e a tecnoloxía) pretende instaurar este ciclo de conferencias no que se abordan distintas temáticas con repercusión na sociedade.

Nun primeiro bloque organízanse conferencias en formato webinar impartidas por persoas de recoñecido prestixio no seu ámbito profesional propostas pola RAGC. E nun segundo bloque conferencias en centros de ensino da provincia de Pontevedra dirixidas ao alumnado da ESO.

Ante calquera dúbida pódese contactar co Servizo de Cohesión Social e Xuventude en  cohesionsocialexuventude@depo.es

Poboación destinataria: persoas usuarias e socias das entidades de iniciativa social, persoas da terceira idade, mocidade, profesionais, estudantes e público xeral.

Conferencias:

CONTAMINACIÓN POR MICROPLÁSTICOS

"Os microplásticos, que son? A súa incidencia na sociedade actual"

Relatora: Carmen Pérez Pérez, catedrática de Ciencias de Materiais do Departamento de Enxeñería de Materiais, Mecánica Aplicada e Construción da Escola de Enxeñería Industrial da Universidade de Vigo

"Microplásticos: descifrando o seu impacto no medio mariño"

Relator: Jesús Gago Piñeiro, investigador do Instituto Español de Oceanografía no Centro Oceanográfico de Vigo

Data: xoves 29 de abril de 2021

Hora: 19

Formato: seminario web de 40 minutos mais coloquio e/ou preguntas

PANDEMIAS SILENCIOSAS

"Resistencia a antibióticos: a pandemia silenciosa"

Relator: Bruno González Zorn, catedrático de Microbioloxía da Facultade de Veterinaria da Universidade Complutense de Madrid. Director da Unidade de Resistencia a Antibióticos  

"É a obesidade a pandemia con maior mortalidade?"

Relator: Carlos Diéguez González, catedrático de Fisioloxía. Centro de Investigación en Medicina Molecular e Enfermidades Crónicas (CIMUS) e director científico do CIBEROBN da Universidade de Santiago de Compostela

Data: xoves 6 de maio de 2021

Hora: 19

Formato: seminario web de 40 minutos mais coloquio e/ou preguntas

IMPACTOS ECONÓMICOS DO CAMBIO CLIMÁTICO E DA SAÚDE

Semipresencial e seminario web na sede da Deputación de Pontevedra en Vigo

"O difícil equilibrio entre saúde e economía. O caso da COVID-19"

Relatora: Beatriz González López-Valcárcel, catedrática de Métodos Cuantitativos en Economía e Xestión da Universidade de Las Palmas de Gran Canaria. Académica correspondente da RAGC

 "Aspectos económicos do cambio climático e da súa mitigación"

Relator: Xavier Labandeira Villot, catedrático de Economía do Departamento de Economía Aplicada da Facultade de Ciencias Económicas da Universidade de Vigo  

Data: xoves 27 de maio de 2021

Hora: 19

Formato: semipresencial

MULLERES E CIENCIA

Semipresencial e seminario web no salón de plenos da Deputación de Pontevedra

"Mulleres na ciencia, mulleres na sombra"

Relatora: Xoana Pintos Barral, doutora en Bioloxía pola Universidade de Santiago de Compostela e especialista en estudos de xénero e na presenza da muller no eido científico

"Aida: máis que ciencia"

Relatores:

  • Carmen González Sotelo, investigadora científica do Instituto de Investigacións Mariñas (IIM) do CSIC de Vigo
  • Gabriel Rosón Porto, catedrático da Facultade de Ciencias do Mar da Universidade de Vigo

Data: xoves 3 de xuño de 2021

Hora: 19

Formato: semipresencial

EXOPLANETAS

"Exoplanetas, o desafío da busca de vida máis alá do sistema solar"

Relatora: Minia Manteiga Outeiro, catedrática de Astrofísica do Departamento de Ciencias da Navegación e Enxeñaría Marina. Vicepresidenta da Sociedade Española de Astronomía da Universidade da Coruña. Académica numeraria da RAGC

Data: xoves 17 de xuño de 2021

Hora: 19

Formato: seminario web de 50 minutos mais coloquio e/ou preguntas

ADEGAS CIRCULARES

"Adegas circulares: máis alá do viño..."

Relatora: Marta Lores Aguín, catedrática de Química Analítica do Departamento de Química Analítica, Nutrición e Bromatoloxía da Facultade de Química da Universidade de Santiago de Compostela

Data: xoves 1 de xullo de 2021

Hora: 19

Formato: seminario web de 50 minutos mais coloquio e/ou preguntas

Poboación destinataria: Dirixidas ao alumnado dos centros de ensino da provincia de Pontevedra (ESO, Bacharelato e ciclos de FP), propostos pola Deputación de Pontevedra.

Os lugares e as datas de realización determinaraos a Deputación de Pontevedra en función do interese que amosen os distintos centros, das datas que propoñan, da coordinación coa RAGC e da dispoñibilidade das e dos relatores.

Conferencias:

"Bacterias comeplásticos"

Relatora: Sabela Balboa Méndez, investigadora distinguida no Centro Singular de Investigación en Tecnoloxías Ambientais (CRETUS) da Universidade de Santiago de Compostela

"A intelixencia artificial non é ciencia ficción"

Relatora: Amparo Alonso Betanzos, catedrática da Área de Computación e Intelixencia Artificial da Universidade da Coruña. Coordinadora do grupo LIDI (Laboratorio de I+D en Intelixencia Artificial). Presidenta da Asociación Española de Intelixencia Artificial

"Potencia as túas defensas: vacínate!"

Relatora: África González Fernández, catedrática de Inmunoloxía do Centro de Investigacións Biomédicas (CINBIO) da Universidade de Vigo

"Obxectivo saúde: a revolución dos alimentos"

Relatora: Isabel Medina Méndez, profesora de Investigación do Instituto de Investigacións Mariñas (IIM) do CSIC de Vigo. Coordinadora nacional da Área de Ciencia e Tecnoloxía dos Alimentos do CSIC. Académica numeraria electa da RAGC

"As matemáticas que pesquei na ría de Pontevedra"

Relatora: Elena Vázquez Cendón, profesora titular de Matemática Aplicada e decana da Facultade de Matemáticas da Universidade de Santiago de Compostela

Descargas