Desenvólvese en dúas fases, unha cos equipos da delegación de Pontevedra e outra cos da delegación de Vigo, entre os meses de marzo e maio.

Participan 68 clubs na zona de Pontevedra e 56 na de Vigo. Os clubs participantes corresponden ás categorías de 3.ª división, rexional preferente, 1.ª división autonómica, 2.ª división autonómica e 3.ª división autonómica.

Os horarios dos partidos e os resultados poderán seguirse na páxina oficial da Federación Galega de Fútbol, www.futgal.es, nas delegacións de Pontevedra e Vigo (competicións Copa Deputación de Fútbol).

Os dous finalistas de cada zona xogarán a final, na que se repartirán 5.000 € o gañador e 4.000 € o segundo clasificado.