O obxectivo xeral do proxecto é o de mellorar a empregabilidade no sector apícola, sobre todo, daquelas persoas con dificultades de acceso ao mercado laboral.

O proxecto desenvolverase en zonas rurais da Rede Natura das provincias de Pontevedra e Zaragoza e irá destinado a todas as persoas interesadas en traballar no sector ou comezar a súa actividade apícola.

Impartiranse 12 accións formativas, presenciais e mixtas, cos seguintes contidos:

Apicultura moderna e sostible
Capacitar as persoas interesadas para a posta en marcha e mantemento dunha explotación apícola moderna, informando sobre as posibles orientacións produtivas, fomentando novas vías de xestión e comercialización, mediante o emprego de novas tecnoloxías.

• Cursos presenciais: 50 horas (3 en Galicia e 1 en Aragón)
  • Obradoiro teórico. Introdución á apicultura moderna
  • Obradoiro práctico. Revisión e interpretación do estado das colmeas, manexo das ferramentas e medidas preventivas para a loita contra a Vespa velutina. Aplicación de medidas para a colleita do pole
  • Obradoiro práctico. Métodos para a división das colmeas. Preparación da colmea incubadora para a cría de raíñas
  • Obradoiro práctico. Métodos para a cría masiva de raíñas. Revisión da colmea incubadora
  • Obradoiro práctico. Revisión e colocación de alzas
  • Obradoiro práctico. Extracción do mel, o pole, os própoles, a apitoxina e a xelea real
  • Obradoiro práctico. Profilaxe e tratamentos sanitarios. Alimentación complementaria das colmeas. Preparación das colmeas para o inverno
  • Obradoiro práctico. Elaboración de produtos derivados do mel
  • Obradoiro teórico. Elaboración de plans empresariais. Estratexias de busca de emprego e preparación do CV
• Cursos mixtos: 40 horas a distancia e 10 horas presenciais (4 en Galicia e 4 en Aragón)
  • Módulo 1. Principios xerais da produción apícola sostible
  • Módulo 2. Revisión e interpretación do estado das colmeas. Medidas preventivas para a loita contra a Vespa velutina. Aplicación de medidas para a colleita do pole
  • Módulo 3. Situación, orientación e colocación das colmeas
  • Módulo 4. Técnicas de produción apícola en equilibrio coa natureza. Manexo e métodos de reprodución das colonias
  • Módulo 5. Métodos para a cría masiva de raíñas
  • Módulo 6. Profilaxe e tratamentos veterinarios. Alimentación complementaria
  • Módulo 7. Extracción do mel, o pole, os própoles, a apitoxina e a xelea real. Elaboración de produtos derivados do mel
  • Módulo 8. Xestión e comercialización mediante o emprego das novas tecnoloxías e da mercadotecnia axeitada
  • Módulo 9. Elaboración de plans empresariais. Estratexias de busca de emprego e preparación do CV

CONVOCATORIA: Programa EmpleaVerde 2018 (Fundación Biodiversidade)

• Eixe: Crea
• Temática ambiental: Agricultura e gandería sostible (apicultura sostible)
• Socios
  • Deputación de Pontevedra (beneficiario)
  • Deputación de Zaragoza (colaborador)