Cabecera Depoemprende

A Deputación de Pontevedra, dentro da liña de apoio ao emprendemento que está a impulsar en diferentes áreas, promove o desenvolvemento de proxectos que integran experiencias innovadoras nos centros educativos para promocionar a orientación profesional e o emprego.

Neste contexto, co fin de fomentar a cultura emprendedora, desde o Servizo de Promoción de Emprego e Desenvolvemento Local lévase a cabo o programa "DepoEmprende", unha ferramenta de apoio para os centros educativos que, a través da metodoloxía de aprendizaxe por proxectos, pretende espertar o interese e a curiosidade do alumnado sobre a súa propia aprendizaxe, aumentar o seu desenvolvemento activo e promover relacións cooperativas e participativas como medio para mellorar o clima de convivencia nos centros.

Os diferentes proxectos que acolle o programa "DepoEmprende" son os seguintes: "DepoEmprende na escola", "DepoEmprende na ESO" e "DepoEmprende na FP".

Última modificación: luns, 03 xuño 2019