Depoemprende na Eso

DepoEmprende na Eso 2018-2019

A Deputación de Pontevedra, dentro da liña de apoio ao emprendemento que está a impulsar en diferentes áreas, promove o desenvolvemento de proxectos que contribúen ao estímulo da cultura emprendedora no sistema educativo e conta con persoal cualificado e recursos materiais para integrar novas actividades na programación dos centros.

É por isto que se propón realizar novamente unha convocatoria aos centros públicos de educación secundaria da provincia de Pontevedra para participar no proxecto "DepoEmprende na ESO" 2018-2019, programa co que se pretende promover a adquisición da competencia emprendedora a través dunha metodoloxía na que o alumnado é o protagonista e centro da súa propia aprendizaxe.

O prazo de presentación de solicitudes comezará o día seguinte da publicación deste anuncio no Boletín Oficial da Provincia de Pontevedra (BOPPO) e rematará o día 16 de xullo de 2018