Este plan ten por finalidade fomentar o envellecemento activo e mellorar a calidade de vida das persoas, establecendo novas relacións sociais e favorecendo a participación en actividades que melloren o seu estado anímico, por medio de movementos de participación e cooperación social que promovan espazos de encontro e intercambio de experiencias co fin de evitar o illamento e as situacións de soidade que poidan levar á vulnerabilidade.

• "Depotermal" 2019 pon en marcha dous programas:
  • Programa de asistencia diaria (1.248 prazas)
  • Programa termal con pernoita (3.186 prazas)
• Todos os concellos da provincia de Pontevedra poderán sumarse ao plan mediante a solicitude de adhesión dispoñible na sede electrónica da Deputación de Pontevedra (https://sede.depo.gal). Xunto coa solicitude as entidades solicitantes deberán presentar a certificación da Secretaría do concello que corresponda sobre a adhesión ao plan (anexo 1). O prazo para que os concellos soliciten a adhesión será do 28 de xaneiro ao 15 de febreiro de 2019.
• Poderán beneficiarse do plan termal as persoas empadroadas na provincia de Pontevedra que non padezan ningunha enfermidade ou patoloxía incompatible coa actividade e que cumpran algún dos seguintes requisitos:
  • Ser nacido antes do 1 de xaneiro de 1969
  • En caso de ser nacido o 1 de xaneiro de 1969 ou nunha data posterior:
    • Ter a condición de pensionista polos conceptos de xubilación, invalidez, viuvez ou outras pensións, para o que se deberá achegar unha fotocopia do certificado correspondente
    • Ter recoñecido un grao de discapacidade igual ou superior ao 65 %, o que se acreditará coa tarxeta ou certificado de recoñecemento do grao de discapacidade
    • Precisar dun respiro familiar, o que se acreditará mediante o modelo de informe da traballadora ou traballador social dos servizos sociais comunitarios básicos

No caso de persoas que desexen participar no plan de forma conxunta é preciso que as dúas cumpran os requisitos esixidos nestas bases.

As persoas beneficiarias deben reunir ademais os seguintes requisitos:

• Non padecer alteracións de comportamento que poidan perturbar a normal convivencia nos establecementos nin enfermidades transmisibles con risco de contaxio
• Poder valerse de maneira autónoma para as actividades da vida diaria
• No caso de persoas con discapacidade, non ter recoñecida a necesidade de asistencia dunha terceira persoa 

Para calquera aclaración ou dúbida poderá poñerse en contacto co Servizo de Cohesión Social e Xuventude a través do teléfono 986 804 100 ou do seguinte enderezo de correo electrónico: cohesionsocialexuventude@depo.es

O prazo de emenda das solicitudes é do 15 ao 22 de maio de 2019 (ambos incluídos)

• Bases (BOPPO 25/01/2019)
• Extracto da convocatoria (BOPPO 25/01/2019)
• Aprobación das adhesións das entidades colaboradoras (BOPPO 27/02/2019)
• Relación de concellos adheridos
• Catálogo de establecementos e prezos
• Informe de accesibilidade
• Cronograma
• Resolución Presidencial aprobando as listas provisionais de persoas admitidas e excluídas (BOPPO 14/05/2019)
• Lista provisional de persoas admitidas na modalidade de asistencia diaria (14/05/2019)
• Lista provisional de persoas excluídas na modalidade de asistencia diaria (14/05/2019)
• Lista provisional de persoas admitidas na modalidade de asistencia con pernoita (14/05/2019)
• Lista provisional de persoas excluídas na modalidade de asistencia con pernoita (14/05/2019)
• Formulario de subsanación (pdf)
• Anuncio da adxudicación de prazas (BOPPO 20/06/2019)
• Lista definitiva de persoas admitidas na modalidade de asistencia diaria (20/06/2019)
• Lista definitiva de persoas excluídas na modalidade de asistencia diaria (20/06/2019)
• Lista definitiva de persoas admitidas na modalidade de asistencia con pernoita (20/06/2019)
• Lista definitiva de persoas excluídas na modalidade de asistencia con pernoita (20/06/2019)