Naceu en Badaxoz en 1967. É licenciada en Dereito e letrada asesora de empresa pola Universidade Pontificia de Comillas (ICADE).

Ao longo da súa traxectoria profesional desenvolveu a súa actividade como auditora na multinacional KPMG e no Hospital Povisa de Vigo, no que foi directora económico-financeira entre 1999 e 2023.

Antes da súa incorporación á Deputación de Pontevedra foi directora de Recursos Humanos da área sanitaria de Pontevedra e O Salnés.

En 2023 entrou no Concello de Vigo como concelleira do Partido Popular, onde ocupa os cargos de portavoz adxunta e responsable do Grupo municipal do Partido Popular nas áreas de Patrimonio, Urbanismo, Deporte e Emprego, amais de representante do Grupo municipal no Consorcio Casco Vello de Vigo. Tamén é membro do Consello de Administración da Autoridade Portuaria de Vigo.

Rafael Domínguez naceu en Pontevedra en 1976. É especialista en medicina interna e coordinador do servizo desa especialidade no Hospital Quirónsalud Miguel Domínguez desde 2008.

Forma parte da Executiva local do Partido Popular de Pontevedra desde 2014 e, tras as eleccións municipais de maio de 2015, é concelleiro no Concello de Pontevedra, onde tamén foi designado presidente da Comisión de Economía e Facenda.

Desde 2018 é portavoz do PP no Concello de Pontevedra e membro da Executiva do PP de Galicia, e desde 2022, vicepresidente provincial da formación.

Roberto José Álvarez Carrero naceu na Guarda o 3 de setembro de 1973. Está casado e ten unha filla.

É licenciado en Ciencias Eclesiásticas (Filosofía-Teoloxía) pola Universidade Pontificia de Comillas (1998), en Teoloxía (especialidade en Teoloxía Práctica) pola Pontificia de Salamanca (2002) e en Dereito pola Complutense de Madrid (2006). Realizou os cursos de doutoramento na Universidade Pontificia de Salamanca (2007-2008) e nestes momentos está a redactar a súa tese de doutoramento sobre concilios bracarenses nos séculos VI-VII.

sí mesmo, publicou varios artigos e completou a súa formación con diversos cursos tanto en España coma na Unión Europa e no estranxeiro, entre os que destacan os realizados na Pontificia Universidade Gregoriana (Italia), no Instituto Español Arqueolóxico de Xerusalén (Israel), na Universidade Pontificia de Salamanca ou na Universidade Rey Juan Carlos.

Foi administrador, asesor e coordinador en diferentes ámbitos da Igrexa católica, na que exerceu en ministerio sacerdotal entre 1998 e 2009. Foi profesor de Filosofía da Relixión e Metodoloxía Científica no Instituto Superior de Ciencias Relixiosas San Agustín de Vigo, dependente da Universidade Pontificia de Comillas (2002-2010), e tamén no Colexio Marista Santa María de Tui (2003-2006). Foi avogado en exercicio do Ilustre Colexio de Avogados de Vigo de 2008 a 2012 e actualmente éo do Ilustre Colexio Provincial de Avogados de Pontevedra desde 2012. Na actualidade exerce como avogado e mediador no despacho multidisciplinar de avogados fundado por el mesmo con sede en Vigo e na Guarda. É experto en dereito civil (familia e sucesións) e penal, asesora diversas empresas do Baixo Miño e combina o exercicio profesional da avogacía coa docencia no Colexio Pais Somascos-Fundación Educere da Guarda, onde é profesor de Relixión e Cultura Clásica desde 2019.

Ademais, é concelleiro na Guarda desde xuño de 2015, presidente local e portavoz do Partido Popular da Guarda desde novembro de 2018, membro da Executiva provincial do PP de Pontevedra desde novembro de 2018, coordinador do PP de Pontevedra para a comarca do Baixo Miño desde setembro de 2021 e membro do Comité Executivo do PP de Galicia desde maio de 2022. En 2019 encabezou a candidatura das eleccións municipais do PP da Guarda, que foi a forza máis votada, pero non conseguiu gobernar. Repetiu como candidato á alcaldía da Guarda nas eleccións municipais de 2023 e foi elixido alcalde e tamén deputado provincial polo partido xudicial de Tui en xuño dese mesmo ano.

As súas principais afeccións son ler obras de filosofía e novelas históricas; escribir; o teatro, especialmente o teatro clásico español; as series e películas de suspense ou distópicas; e conversar coas súas amizades sobre diferentes temas.

Naceu en Gondomar en 1974.

É técnica contable e auxiliar administrativa, e desenvolveu a súa actividade laboral en empresas do sector da construción e de servizos financeiros.

Foi concelleira de Sanidade, Educación, Turismo, Industria e Comercio no Concello de Gondomar durante a lexislatura 2011-2015.

Desde o ano 2019 ata a actualidade é concelleira e voceira no mencionado concello.

Naceu en Oviedo o 3 de febreiro de 1968.

Ten estudos de administrativa, do que traballou nunha empresa construtora e, posteriormente, exerceu durante máis de 20 anos como profesional liberal do sector servizos ata o ano 2008.

Foi concelleira en Forcarei ata 2012, cando foi nomeada alcaldesa, cargo que compaxinou co de deputada autonómica de 2021 a 2023.

Na actualidade é concelleira e portavoz do Grupo municipal do Partido Popular en Forcarei.

Naceu en Covelo en 1971.

É licenciado en Ciencias Económicas e Empresariais, na especialidade en Economía Pública, pola Universidade de Vigo.

Foi concelleiro de Covelo desde 1995.

A partir de 1999 foi tenente de alcalde do Concello de Covelo ata 2014, cando foi elixido alcalde, cargo que ocupa desde entón.

Tamén é presidente do GDR Condado-Paradanta desde 2020.

Naceu en 1989 en Cotobade.

Licenciado en Dereito pola Universidade de Santiago de Compostela na especialidade de Dereito Público.

Membro da Xunta Directiva Nacional do Partido Popular.

Converteuse no alcalde máis novo de España en 2011 ao gañar as eleccións do seu concello, Cotobade, cargo que revalidou con maioría absoluta en 2015.

En novembro de 2016, tras a fusión dos municipios de Cerdedo e Cotobade, foi nomeado presidente da Comisión Xestora do Concello de Cerdedo-Cotobade.

Foi vogal do Consello Executivo da Fegamp desde 2015 ata 2019.

Nas eleccións municipais de 2019 converteuse no primeiro alcalde de Cerdedo-Cotobade, obtendo unha ampla maioría absoluta.

Marcos Guisasola naceu en 1971. Ten tres fillos e traballa como autónomo desde 1996 no sector da asesoría de empresas e das axencias de seguros.

Desde 2011 é concelleiro de Persoal, Economía e Facenda no Concello de Sanxenxo.

Actualmente forma parte desta nova corporación como concelleiro de Deportes.

Naceu en 1976, no Porriño.

Con formación no ámbito da Automoción, Mercadotecnia, Creación de Empresas e Xestión de Pemes, é autónomo desde o ano 1997 nos sectores da automoción e das actividades deportivas.

Foi alcalde pedáneo da Entidade Local Menor de Chenlo, no Porriño, entre 2007 e 2019. Desde decembro de 2021 é alcalde do Porriño. Deputado provincial desde o 2019.

Naceu en Meis en 1966. Residente en Portas, casado e con dous fillos.

Técnico agrícola.

Viviu ata os 20 anos en Bueu. Funcionario da Xunta de Galicia de extinción de incendios traballou entre os anos 1990 e 1999 en Lalín, incorporándose, posteriormente a traballar nos Servicios Centrais en Santiago de Compostela ata o 2019.

Desde o 2019 é alcalde do Concello de Portas.

María Ramallo Vázquez naceu en Marín o 12 de agosto de 1970. É licenciada en Dereito pola Universidade Complutense de Madrid.

Conta con experiencia laboral na Delegación do Goberno en Galicia e como funcionaria interina na Xunta de Galicia. Posteriormente, traballou no departamento xurídico de Alfonso García López, S. A.

A súa carreira política está vencellada ao Partido Popular, co cal concorreu ás eleccións municipais de 1995 no Concello de Marín, no que conseguiu un posto de edil, con responsabilidade na Área de Facenda. 

Foi deputada autonómica na VI lexislatura no Parlamento de Galicia de 2001 a 2003 e, posteriormente, presidenta da Autoridade Portuaria entre 2003 e 2005. Ademais, exerceu de deputada nacional na XI lexislatura no Congreso dos Deputados de 2009 a 2011 e tamén na XIV, de 2019 a 2020. Así mesmo, foi deputada provincial de 2011 a 2015. Na actualidade é alcaldesa do Concello de Marín desde 2011.

Javier Tourís Romero nace en Vilanova de Arousa no año 1973. Cursa estudos de Dirección e Administración de Empresas na Universidade de Santiago de Compostela con especializacións en Xestión de Empresas, Comercio Internacional e Fondos Europeos.

Con 26 anos comeza a súa actividade política como tenente de alcalde do Concello de Vilanova de Arousa.

Con 29 anos crea a súa primeira empresa, no sector da alimentación, e inicia así a súa traxectoria emprendedora.

Entre os anos 2011 e 2014 abandona a primeira liña da política local para dedicarse integramente ao eido empresarial, expandíndose aos sectores da formación, alimentación, actividades turísticas, comercio exterior e investimentos (empresas nas que continúa como socio fundador).

En 2014 regresa á política local como primeiro tenente de alcalde do Concello de Vilanova de Arousa, cargo que ocupa na actualidade, así como o de membro da Xunta da Mancomunidade do Salnés.

No ano 2019 asume o cargo de deputado provincial.

Naceu en 1962 en Baiona, está casado e ten 3 fillos.

Licenciado en Medicina pola Universidade de Santiago de Compostela. Especialista en Medicina Familiar e Comunitaria. Traballou como médico asistencial e xerente do Hospital Meixoeiro de Vigo.

Alcalde de Baiona entre os anos 2004 e 2015 e deputado provincial entre o 2003 e o 2015. Conselleiro de Sanidade entre os anos 2015 e 2020, presidente do Porto de Vigo entre o 2020 e o 2023 e deputado autonómico en dúas lexislaturas.

Actualmente, é alcalde do Concello de Baiona e deputado provincial.

Naceu en 1965 en Gondomar.

Ten o ciclo superior técnico de especialista en informática de xestión.

Actualmente traballa por conta allea como administrativa e contable.

É activista do movemento veciñal e asociativo.

Concelleira do Concello de Gondomar desde o 2019.

Naceu en 1969 en Vigo.

Licenciouse en Bioloxía con especialidade en Zooloxía pola Universidade de Santiago de Compostela. No 1999 doutorouse en Bioloxía pola Universidade de Santiago de Compostela.

É técnica-investigadora no CIMA da Universidade de Santiago de Compostela onde traballa no deseño e organización de proxectos en diferentes sectores produtivos. Docente no Instituto Galego de Formación en Acuicultura. Mariscadora a pé e, na actualidade, directora do Centro de Información á Muller (CIM) do Concello de Boiro.

Na actualidade técnica-investigadora no CIMA parte da súa carreira (desde 1976). Tamén foi profesor da UNED.

Concelleira de Muller, memoria Histórica e Patrimonio no Concello de Moaña e deputada provincial desde o 2015.

Naceu en 1954 en Xanza, no concello de Valga, provincia de Pontevedra.

Licenciouse en Matemáticas e Pedagoxía pola Universidade de Santiago de Compostela. Foi profesor de instituto no Barco de Valdeorras e no IES Valle-Inclán de Pontevedra, onde desenvolveu a maior parte da súa carreira (desde 1976). Tamén foi profesor da UNED.

É deputado provincial e concelleiro en Pontevedra desde 1991, onde exerce de responsable de Xestión e ordenación xeral da mobilidade urbana desde 1999, cando o BNG pasou a formar parte do Goberno local.

Foi vicepresidente da Deputación Provincial de Pontevedra entre o 2015 e o 2023.

Naceu en 1980 na Guarda.

É técnica superior en anatomía patolóxica e citoloxía. Actualmente traballa por conta propia como comerciante.

É concelleira no Concello da Guarda desde o 2019.

Naceu en Vigo en 1976.

Concelleira de Vigo desde 2017.

Antes do seu nomeamento exerceu como empresaria no sector do comercio desde 1998, cando entrou no Partido Socialista de Vigo e actualmente forma parte da súa executiva local. A partir de 2019 foi nomeada concelleira de Medio Ambiente e Vida Saudable, polo que aparcou a súa dedicación ao mundo empresarial, aínda que segue mantendo un vínculo estreito a través da relación coas asociacións comerciais de Vigo.