O presidente da Deputación de Pontevedra, Luis López, recibiu este mércores no seu despacho do Pazo provincial ao Comandante-Director da Escola Naval Militar de Marín, Pedro Cardona Suanzes. Un encontro que serviu como despedida do director, cargo que deixará nos vindeiros días despois do seu nomeamento en 2021. Despois de facerlle entrega dun agasallo institucional, o presidente provincial recoñeceu o importante labor desenvolvido nesta etapa, desexoulle sorte no seu seguinte destino e convidouno a regresar ás Rías Baixas, que “sempre serán a súa casa”.