A Xunta de Persoal é o órgano específico de representación dos intereses do persoal funcionario. A súa composición establécese en función do número de funcionarias e funcionarios da unidade electoral correspondente, de acordo coa seguinte escala:

• De 50 a 100 funcionarias e funcionarios: 5
• De 101 a 250 funcionarias e funcionarios: 9
• De 251 a 500 funcionarias e funcionarios: 13
• De 501 a 750 funcionarias e funcionarios: 17
• De 751 a 1.000 funcionarias e funcionarios: 21
• De 1.001 en adiante, dous por cada 1.000 ou fracción, co máximo de 75

O mandato dos membros da Xunta de Persoal dura catro anos; estes son elixidos mediante sufraxio persoal, libre, directo e secreto. A actual composición é de 17 membros, que se distribúen da seguinte forma: 11 de CC.OO., 7 de UGT e 3 da CIG.

O Comité de Empresa é o órgano representativo e colexiado do conxunto do persoal laboral da Deputación de Pontevedra para a defensa dos seus intereses.

O número de membros do Comité de Empresa determínase de acordo coa seguinte escala:

• De 50 a 100 traballadoras e traballadores: 5
• De 101 a 250 traballadoras e traballadores: 9
• De 251 a 500 traballadoras e traballadores: 13
• De 501 a 750 traballadoras e traballadores: 17
• De 751 a 1.000 traballadoras e traballadores: 21
• De 1.000 en adiante, dous por cada 1.000 ou fracción, co máximo de 75

O mandato dos membros do Comité de Empresa ten unha duración de catro anos; estes son elixidos por todas e todos os traballadores mediante sufraxio persoal, directo, libre e secreto.

A actual composición é de 9 membros, que se distribúen da seguinte maneira: 4 de CC. OO. e 5 de UGT:

A Comisión Paritaria Mixta é o órgano de interpretación, vixilancia, estudo e aplicación do Acordo regulador para o persoal funcionario e do Convenio colectivo para o persoal laboral.

Tras a celebración das eleccións sindicais de persoal laboral e funcionario en 2022 e 2023, respectivamente, constituíuse a Comisión Paritaria Mixta conxunta, integrada por 15 membros, dos que 4 son cargos políticos e 11, representantes sindicais; cada unha das partes ostenta igual número de votos:

Para os efectos da negociación colectiva do persoal funcionario e laboral da Deputación de Pontevedra, constitúese a Mesa Xeral de Negociación.

A designación das e dos compoñentes das mesas correspóndelles ás partes negociadoras, que poderán contar coa asistencia nas deliberacións de asesoras e asesores, que intervirán con voz, pero sen voto.

É competencia propia das mesas xerais a negociación das materias relacionadas coas condicións de traballo do seu ámbito e que se contempla no artigo 37 do Real decreto lexislativo 5/2015, de 30 de outubro, polo que se aproba o Texto refundido da Lei do estatuto básico do empregado público.

A Mesa Xeral de Negociación da Deputación está integrada polas seguintes deputadas e deputados delegados e a representación sindical de CC. OO. (6), UGT (5), CIG (2) e CSIF (1).

Cada sección sindical pode designar delegadas ou delegados sindicais en proporción á representación na Xunta de Persoal, sen exceder o seu número total de 5, segundo a disposición adicional terceira do Acordo regulador.

Seccións sindicais con representación na Xunta de Persoal:

Sección sindical sen representación na Xunta de Persoal

As seccións sindicais poden designar tres delegadas ou delegados sindicais, en proporción á representación no Comité de Empresa, sen que poida exceder o seu número total de 3, segundo a disposición adicional terceira do Acordo regulador.

As persoas delegadas de prevención son as representantes do persoal con funcións específicas en materia de prevención de riscos laborais. Son designadas por e entre as e os representantes do persoal, de acordo coa seguinte escala:

• De 101 a 500 traballadoras e traballadores: 3 persoas delegadas de prevención
• De 501 a 1.000 traballadoras e traballadores: 4 persoas delegadas de prevención

O Comité de Seguridade e Saúde é o órgano paritario e colexiado de participación destinado á consulta regular e periódica das actuacións da empresa en materia de prevención de riscos. Está integrado, dunha parte, polas persoas delegadas de prevención e, da outra, pola empresaria ou empresario ou as súas ou os seus representantes en número igual ao das persoas delegadas de prevención.

Membros: 14, 7 designados pola Deputación e 7 persoas delegadas de prevención

A Comisión de Seguimento das Bolsas de Emprego é un órgano encargado de garantir o control e seguimento da xestión e o funcionamento da bolsas de emprego constituídas para cubrir as necesidades de persoal para nomeamentos interinos e contratacións laborais temporais que poidan xurdir en calquera área de goberno da Deputación de Pontevedra.

O 26 de outubro de 2021 constituíuse este órgano, integrado por 4 representantes de CC. OO., 3 de UGT e 1 da CIG.