Escola de Letras

Escola de Letras

Coa premisa de fomentar o talento na provincia e xerar un espazo de encontro entre autoras e autores consagrados e persoas amantes da nosa literatura a Deputación de Pontevedra e a Editorial Galaxia puxeron en marcha no ano 2020 a Escola de Letras, que oferta un variado abano de obradoiros de escrita, novela, relato ou poesía para todas as idades.

Foi o primeiro proxecto deste tipo en Galicia e un dos poucos do conxunto do Estado, e abriu ás súas portas nas sedes da institución provincial en Vigo e Pontevedra.

Despois do grande éxito da primeira edición, a Escola de Letras volve á acción este 2021, cunha nova oferta formativa de creación literaria para todas as persoas interesadas en aprender e gozar da palabra con algunhas das voces da escrita máis importantes do panorama galego actual.

Con novas propostas e coa incorporación ao claustro de profesoras e profesores de Anna Figueiredo e Elvira Ribeiro, o vindeiro luns 1 de marzo, ás 8:00 h, abrirase o prazo de inscrición na Escola de Letras.

A participación estará aberta a calquera persoa interesada a partir dos 16 anos, xa que non é preciso que o alumnado teña coñecementos previos; as persoas participantes recibirán todo o material na propia Escola.

MATRÍCULA:

Para formalizar a matrícula hai que enviar un correo electrónico a escoladeletras@editorialgalaxia.gal, indicando:

  • Nome completo da alumna/o
  • Correo electrónico
  • Número de teléfono
  • No ASUNTO e no CORPO do correo hai que sinalar o docente e o obradoiro no que se quere matricular, por orde de preferencia. Cada persoa poderá anotarse nun máximo de dous cursos

A inscrición formalizarase por estrita orde de chegada das solicitudes ata completar o límite de persoas establecido para cada curso. Terán preferencia as persoas que non participaron en ningún obradoiro.

Todos os cursos se impartirán nas sedes da Deputación en Vigo e en Pontevedra, de 18:00 a 20:00 h.

OBRADOIRO LITERARIO CON INMA LÓPEZ SILVA (8 sesións) en Vigo

Días: 15 e 22 de marzo; 12, 19 e 26 de abril; 3, 10 e 24 de maio

OBRADOIRO LITERARIO CON INMA LÓPEZ SILVA (8 sesións) en Pontevedra

Días: 17 e 24 de marzo; 14, 21 e 28 de abril; 5, 12 e 19 de maio

OBRADOIRO DE POESÍA CON ANTONIO GARCÍA TEIJEIRO (2 sesións) en Pontevedra

Días: 2 e 9 de xuño

OBRADOIRO LITERARIO CON ANNA FIGUEIREDO: ESCRIBIR UNHA NOVELA (8 sesións) en Vigo

Días: 15, 22 e 29 de setembro; 6, 13, 20 e 27 de outubro; 3 de novembro

OBRADOIRO LITERARIO CON DIEGO GIRÁLDEZ (5 sesións) en Pontevedra

Días: 6, 13, 20 e 27 de outubro; 3 de novembro

OBRADOIRO DE POESÍA CON ELVIRA RIBEIRO (2 sesións) en Pontevedra

Días: 2 e 9 de decembro