Musigal

Novas relacionadas

Semana Mundial de Acción polo Clima. A provincia que queres é sostible

Pontevedra reforza a súa axenda sostible

A Deputación celebra a Semana Mundial de Acción polo Clima con actividades para concienciar contra a situación de emerxencia climática.

Atallar a actual situación de emerxencia climática é unha das materias máis urxentes que ten a sociedade actual. O planeta está a sufrir un dano irreparable e as consecuencias poden ser letais tanto para a subsistencia de determinadas especies animais como para a poboación de zonas costeiras ante a imparable subida do nivel do mar.

A Deputación de Pontevedra situou a axenda ambiental como prioridade da acción de Goberno para os próximos catro anos. A transición ecolóxica é un obxectivo transversal que impregnará a partir de agora todos os proxectos emprendidos desde o Pazo provincial e o obxectivo agora é sumar aos 61 concellos a este gran reto global baseado na sustentabilidade e a eficiencia enerxética.

A campaña "Experiencias SOStibles" deste verán foi só un primeiro paso nun amplo paquete de medidas no que se enmarca tamén a cooperación con 43 concellos a través de fondos europeos para renovar 7.519 puntos de luz por luminarias LED. A esta mesma filosofía obedece o proxecto con rede.es para configurar Pontevedra como un destino turístico intelixente, valéndose da tecnoloxía para gañar eficiencia e competitividade, pero tamén para favorecer un desenvolvemento sustentable do territorio respectando a calidade de vida do residente.

A Deputación de Pontevedra impúxose unha axenda sustentable que afecta irremediablemente o modelo de mobilidade, poñendo ao peón como protagonista do espazo urbano e construíndo cidades amables e accesibles á vez que se conciencia ás novas xeracións contra as emisións.

Coidar o planeta é tarefa de todas e todos. Co obxectivo de implicar a toda a cidadanía a Deputación de Pontevedra súmase á Semana Mundial de Acción polo Clima cunha intensa axenda de actividades sobre limpeza da contorna natural, consumo responsable e mobilidade sustentable. Neste reto todos somos necesarios.

ACCIÓNS

  • Sábado 21

    Celebramos o Día Mundial da Limpeza

    Campaña específica en RRSS co lema "Coidemos o noso"

    Obxectivo: concienciarnos de que debemos comprometernos, destinar recursos e informar á poboación para deter a perda dá biodiversidade e restaurar os ecosistemas.

    Día Mundial de la Limpieza
  • Domingo 22

    Celebramos o Día Mundial sen Coche

    Campaña de concienciación co lema "As persoas protagonistas"

    Día Mundial de la Limpieza
  • Luns 23

    Cumio sobre a Acción Climática na ONU

    Propostas aliñadas coas recomendacións científicas e o Acordo de París baixo o lema "Economía baixa en carbono e aforro enerxético"

    Día Mundial de la Limpieza
  • Martes 24

    Instalaremos na Deputación un stand con productos de comercio xusto

    O lema do día será "Consumo sustentable"

    Novo convenio para a adquisición de novos colectores de residuos RRSS que imos instalar en Príncipe Felipe.

    Día Mundial de la Limpieza
  • Mércores 25

    Promoción de productos de quilómetro cero, cultivados no territorio, produtos de temporada e de calidade, que fomentan a economía local.

    Instalaremos na Avenida de Montero Ríos os stands da campaña de Experiencias SOStibles contra os plásticos.

    Haberá un reparto masivo de mazás na explanada de Montero Ríos.

    Día Mundial de la Limpieza
  • Xoves 26

    Dedicamos o día ao Turismo sostible

    Visitaremos aos produtores de mazá para sidra ecolóxica de A Estrada.

    Estaremos na sidrería Camino cos conceptos de turismo rural, sustentabilidade, dixitalización e emprendemento.

    Promoción da ruta das maceiras.

    Día Mundial de la Limpieza
  • Venres 27

    Baixo o lema Emerxencia climática ese día, nós imos desenvolver unha tripla acción

    • HAI PLENO e imos presentar unha moción sobre emerxencia climática
    • Tamén imos impulsar o parón de 4 minutos 15 segundos que se vai facer no mundo entre as 11 e as 12 h
    • Conferencia en Vigo titulada "O espazo natural como ámbito de vida", a cargo de Carmen Gloria Piñeiro
    Día Mundial de la Limpieza

Descargas

Última modificación: xoves, 19 setembro 2019