Obradoiro SOCIEDADE DIXITAL E XÉNERO. Hackeando o patriarcado

Obradoiro SOCIEDADE DIXITAL E XÉNERO. Hackeando o patriarcado

Este obradoiro, que terá lugar o 12 de decembro de 2019, pretende ser un espazo de reflexión colectiva -a partir das principais achegas de expertas neste ámbito- ao redor da existencia ou non do denominado "patriarcado dixital". En efecto, se contemplamos a presenza de mulleres nos ámbitos laborais relacionados coa economía dixital ou o número de alumnas que optan por realizar estudos de STEM, obsérvase unha desigualdade de xénero alarmante en detrimento das mulleres nun ámbito que cada vez posúe maior peso político e económico nas nosas sociedades. Por outra banda, é imprescindible abordar, desde a perspectiva de xénero, as expresións de machismo e misoxinia das redes da internet, entre gamers, algoritmos con rumbos androcéntricos, videoxogos, memes, asistentes de voz, wikicontidos etc., onde resulta que os contidos sexistas e con rumbos de xénero, as masculinidades tóxicas e as actitudes misóxinas seguen presentes, e os contidos feministas ou certas partes do corpo das mulleres son censurados. Existe unha hexemonía do patriarcado na realidade dixital? É similar ou maior á existente na realidade, fóra da rede? Este e outros debates son os que se pretenden abordar neste primeiro seminario, da man de mulleres expertas nesta temática, no marco da recentemente creada Cátedra Feminismos 4.0 DEPO-UVIGO.

PROGRAMA

  • De 9:30 a 10:00 h  Apertura do acto coas autoridades asistentes
  • De 10:00 a 11:15 h  Intervención da catedrática Amparo Alonso Betanzos. Catedrática de Ciencias da Computación e Intelixencia Artificial. Investigadora en intelixencia artificial, coordina o grupo de investigación Laboratorio de I+D en Intelixencia Artificial (LIDIA) da Facultade de Informática da UDC. Presidenta da Asociación Española para a Intelixencia Artificial (AEPIA)
  • De 11:15 a 11:30 h  Descanso para o café
  • De 11:30 a 12:30 h  Relatorio de María Álvarez Lires. Profesora contratada doutora da UVigo no departamento de Didácticas Especiais. Premio Uviguala 2017 da UVigo. Pertence á Sección Ciencia, Técnica, Natureza e Sociedade do Consello da Cultura Galega. Coordinadora do Grupo de Innovación Docente: Educación Científica, Sustentabilidade e Xénero da UVigo. Vicepresidenta do Seminario de Estudos Interdisciplinares de Xénero (SEIX) da UVigo. Coordinadora do Máster en Investigación e Innovación en Didácticas Específicas para Educación Infantil e Primaria (UVigo, UDC, USC)
  • De 12:30 a 13:45 h  Mesa redonda, que conta coa participación das seguintes invitadas:
    • Amelia Verdejo Rodríguez: licenciada en Matemáticas pola USC e doutora en Matemáticas pola UVigo. Impartiu docencia en diversos institutos de BUP e en diversas titulacións da USC e da UVigo. Investigadora en Economía Matemática e recentemente en cuestións de igualdade de xénero aplicadas á docencia universitaria e á historia das matemáticas
    • Marina Amores (Blissy): comunicadora audiovisual de videoxogos. Creou o blog A fregar co obxectivo de lle dar visibilidade ao acoso sexista en liña no mundo do videoxogo. É a organizadora principal de Gaming Ladies, evento dedicado á industria do videoxogo e exclusivo de mulleres. Tamén foi coordinadora e coautora (xunto a once compañeiras) de ¡Protesto!, o primeiro libro de ludoloxía en castelán con perspectiva de xénero
    • Mercedes Rodríguez García: forma parte do equipo de GalsTech. É tradutora especializada en textos científico-técnicos e en localización de software e páxinas web. Traballou como deseñadora de VUI e como desenvolvedora de Chatbot para diferentes plataformas e de Voicebot. Como xefa de Innovación en One Million Bot, S. L., estaba a cargo dun equipo que investigaba e desenvolvía novas características e integracións que poderían mellorar os seus produtos. Como Google Developer Expert (GDE) para o Asistente, está a dar charlas e obradoiros en eventos comunitarios e creando contidos sobre este tema para introducir máis persoas no deseño de VUI e no desenvolvemento de axentes de conversación
  • De 13:45 a 14:00 h  Clausura do seminario

No lugar onde se realizará o seminario haberá unha exposición de carteis cos resultados das investigacións levadas a cabo coa subvención da Cátedra Feminismos 4.0 e das bolsas de mobilidade

Lugar: UVigo. Escola de Empresariais, rúa Torrecedeira, Vigo

Última modificación: xoves, 05 decembro 2019