ORAL-Xestión tributaria

IAE

 

Que é o IAE?

O artigo 78 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, establece que o imposto sobre actividades económicas é un tributo directo de carácter real, cuxo feito impoñible está constituído polo mero exercicio, en territorio nacional, de actividades empresariais, profesionais ou artísticas, exercidas ou non nun local determinado e especificadas ou non nas tarifas do imposto.

Quen ten que pagar o IAE?

Son suxeitos pasivos deste imposto as persoas físicas ou xurídicas e as entidades referidas no artigo 35.4 da Lei 58/2003, de 17 de decembro, xeral tributaria, sempre que realicen en territorio nacional calquera das actividades que orixinan o feito impoñible.

Cal é a cota tributaria no IAE?

A cota tributaria será a resultante de aplicar as tarifas do imposto, de acordo cos preceptos contidos no Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, e nas disposicións que a complementen e desenvolvan; e os coeficientes e as bonificacións previstos pola lei e, no seu caso, acordados por cada concello e regulados nas ordenanzas fiscais respectivas.

Cal é o período impositivo e o devengo do IAE?

O período impositivo coincide co ano natural, excepto cando se trate de declaracións de alta; nese caso abarcará desde a data de comezo da actividade ata o final do ano natural.

O imposto devéngase o primeiro día do período impositivo e as cotas serán irredutibles, salvo que, nos casos de declaración de alta, o día de comezo da actividade non coincida co ano natural, en cuxo caso as cotas calcularanse proporcionalmente ao número de trimestres naturais que queden para finalizar o ano, incluído o do comezo do exercicio da actividade.

Así mesmo, e no caso de baixa por cesamento no exercicio da actividade, as cotas serán rateables por trimestres naturais, excluído aquel no que se produza o dito cesamento. Para tal fin os suxeitos pasivos poderán solicitar a devolución da parte da cota correspondente aos trimestres naturais nos que non se exerceu a actividade.

Concellos que delegaron o IAE no ORAL

  • Agolada
  • Arbo
  • Baiona
  • Barro
  • Caldas de Reis
  • Cambados
  • Campo Lameiro
  • Cangas
  • Cañiza, A
  • Catoira
  • Cerdedo-Cotobade
  • Covelo
  • Crecente
  • Cuntis
  • Dozón
  • Estrada, A
  • Gondomar
  • Lalín
  • Lama, A
  • Meaño
  • Meis
  • Moaña
  • Mondariz
  • Mondariz-Balneario
  • Moraña
  • Mos
  • Neves, As
  • Oia
  • Pazos de Borbén
  • Porriño, O
  • Portas
  • Poio
  • Ponteareas
  • Ponte Caldelas
  • Pontecesures
  • Rodeiro
  • Rosal, O
  • Salceda de Caselas
  • Salvaterra de Miño
  • Sanxenxo
  • Silleda
  • Soutomaior
  • Tomiño
  • Tui
  • Valga
  • Vilaboa
  • Vila de Cruces
  • Vilanova de Arousa

Trámites

  • Solicitude de bonificacións e exencións que procedan
  • Presentación de solicitudes de rateo de recibos nos casos taxados
  • Solicitude de fraccionamentos
  • Domiciliación dos meus recibos
  • Solicitude de certificados de débedas

Preguntas frecuentes

 Quen xestiona as declaracións de alta, baixa ou variación no IAE?

 De que beneficios fiscais podo gozar?

 Como se calcula o recibo do IAE?

Normativa

Non atopas o que buscas? Chámanos ao 886 211 400 e te axudaremos a atopar a información que necesitas. Tamén podes mandarnos unha consulta por escrito a través do seguinte acceso: CONTACTA

ACCESO RÁPIDO