Cabecera Depoemprende

PREMIOS DEMO DAY 2019-2020 "DepoEmprende na FP"

Nova edición dos Premios Demo Day, cuxo obxectivo é promover o lanzamento de proxectos emprendedores impulsados polo estudantado de formación profesional, a través dun proceso participativo, competitivo e secuencial que permita identificar e apoiar proxectos con potencial desenvolvemento.

Esta convocatoria está dirixida aos centros educativos de FP da provincia de Pontevedra participantes no proxecto "DepoEmprende na FP" 2019-2020:

  • CIFP Manuel Antonio
  • IES Indalecio Pérez Tizón
  • CPR Daniel Castelao
  • CPR San Miguel
  • EFA A Cancela
  • IES Johan Carballeira
  • IES Montecelo
  • CIFP Carlos Oroza
  • IES de Rodeira
  • IES Plurilingüe Terra de Turonio

Para a celebración destes Premios, o alumnado participante presentará os proxectos empresariais elaborados durante o curso no marco do proxecto DepoEmprende na FP, nun acto que se celebrará:

  • Data: 25 de marzo de 2020 (cancelado)
  • Data: 16/06/2020
  • Lugar: Salón de Plenos da Deputación de Pontevedra

Premiados

CATEGORÍA DE GRAO MEDIO

Centro educativo

Proxecto empresarial

Ciclo formativo

Premio

Dotación

IES Montecelo

Camiñando

Ciclo Medio de Farmacia e Parafarmacia

 

Premio único

700,00 €

Descrición do proxecto Camiñando:

Camiñando é un proxecto que ofrece a montaxe e a comercialización dun paquete con produtos para o coidado persoal das e dos peregrinos. Utiliza unha cabaza como envase, que despois se pode conservar como un recordo da experiencia vivida polas rutas do Camiño de Santiago.

A promotora e os promotores deste proxecto ofrecen un produto que ten unha dobre utilidade: por unha banda pretenden satisfacer as necesidades hixiénicas e sanitarias das persoas que fan o Camiño de Santiago e, por outra, obter un produto identificativo do Camiño, a cabaza, co obxectivo de lle devolver a forza e o valor simbólico que tiña antigamente.

Alumnado autor do proxecto:

Andrea Abal

José Carlos Rodríguez

Julián Sevilla

Profesorado titor do proxecto:

María Dolores Conde

CATEGORÍA DE GRAO SUPERIOR

Primeiro premio

Centro educativo

Proxecto empresarial

Ciclo formativo

Premio

Dotación

CIFP Carlos Oroza

Animal Lovers

Ciclo Superior de Aloxamentos Turísticos

Primeiro premio

700,00 €

Descrición do proxecto Animal Lovers:

As autoras desta iniciativa preséntana como "un proxecto que nace da ilusión de dúas mulleres loitadoras que buscan emprender nun mundo liderado por homes".

Este proxecto nace da ilusión de crear un establecemento para satisfacer as necesidades que xorden á hora de viaxar con mascotas. Ademais de vender servizos venderán experiencias, polo que crean un hotel rural onde os protagonistas serán os animais de compañía das persoas que se hospeden nel, coa idea de que cando estas persoas viaxen as súas mascotas estean nas mellores condicións.

Ofrecen unhas instalacións dedicadas ao coidado dos animais, unha gardería a cargo dunha persoa coidadora, un parque e área de xogos nos que poder estar en familia etc.

Ademais, o establecemento está concienciado co medio, polo que optan por medidas para frear o impacto ambiental que supoñen en moitos casos os aloxamentos turísticos, cunha lista de normativas para as persoas empresarias e actividades de concienciación que promoverán entre a clientela.

Alumnado autor do proxecto:

Nuria Pintos

Nuria Franco

Profesorado titor do proxecto:

Ana María López

Segundo premio

Centro educativo

Proxecto empresarial

Ciclo formativo

Premio

Dotación

CIFP Manuel Antonio

OdontoApp

Ciclo Superior de Hixiene Bucodental

Segundo premio

500,00 €

Descrición do proxecto OdontoApp:

OdontoApp é unha ferramenta tecnolóxica dirixida ás clínicas dentais co fin de optimizar e facilitar o traballo de xestión. Consiste nunha axenda en liña que se pon á disposición das e dos pacientes para xestionar as citas, anulalas, modificalas e incluso coñecer o tempo requirido de tratamento.

A aplicación ofrécelles ás persoas profesionais deste sector a través do seu uso no móbil, cun deseño limpo e intuitivo que irá redirixindo as persoas usuarias segundo o servizo seleccionado. Esta ferramenta promoverá que a clientela non perda tempo de espera nas consultas e optimizará o traballo nas clínicas.

Alumnado autor do proxecto:

Sabela Cid

Óscar Vila

Eva Figueroa

Alba Pichel

Profesorado titor do proxecto:

María Pereiro 

 

Última modificación: venres, 19 xuño 2020