Consorcio Provincial de Bombeiros

Protexa o seu fogar

Tres de cada catro incendios no fogar son causados por neglixencias ou avarías técnicas

Instalación eléctrica

  • Non sobrecargue os enchufes ou regretas
  • Utilice enchufes e conexións normalizados
  • No caso de curtocircuíto corte a corrente
  • Nos alpendres realice as instalacións cun instalador autorizado
  • Non coloque material combustible preto de enchufes defectuosos ou lámpadas

As nenas e os nenos non coñecen os riscos

  • Non deixe as nenas e nenos sós na casa
  • Manteña os mistos, chisqueiros ou candeas acesas lonxe do seu alcance
  • Protexa os enchufes
  • Non deixe aparellos eléctricos quentes ao seu alcance

Precaucións co ferro de pasar

  • Non o deixe aceso sobre teas
  • Desenchúfeo cando remate de utilizalo

Precaucións co tabaco

  • Non fume na cama
  • Non baleire os cinceiros incandescentes no lixo

Precaucións coas candeas

  • Non as deixe desatendidas
  • Non as poña preto de elementos téxtiles
  • Apágueas antes de marchar da casa

Precaucións ao usar braseiros

  • Evite os gases tóxicos
  • Airee as estancias

Precaucións na cociña

  • Limpe regularmente o extractor
  • Se arde unha tixola non bote auga
  • Non desatenda as potas ao lume

Precaucións co gas

  • Peche as chaves de paso e/ou válvulas despois de usalas
  • Non busque fugas con chisqueiros ou mistos
  • Se cheira a gas abra as fiestras e non acenda a luz. Se o cheiro é moi forte avise a veciñanza, abandone a vivenda e chame ao 112

Precaucións coas estufas e caldeiras

  • Tanto se son de gas coma eléctricas non as sitúe preto de elementos téxtiles sen supervisión
  • Revise e limpe as caldeiras e tiros de fumes con regularidade

Protexa o medio ambiente fronte aos lumes forestais

"Vale máis unha terra con árbores nos montes ca un Estado con ouro nos bancos", Castelao

  • Non prenda lume sen permiso
  • Vixíe as fogueiras
  • Se ve un lume forestal chame ao 085
  • Conciencie a veciñanza
  • Un monte vivo é unha fonte de ingresos e oportunidades
  • Un monte vivo dános calidade de vida
  • Galicia produce aproximadamente o 50 % da madeira de España, factura máis de 500 millóns de euros e conta con preto de 2.000 empresas no sector
  • O monte é vida

Descargas