Esta convocatoria ten por obxecto establecer as bases reguladoras da concesión de bolsas destinadas a apoiar as e os deportistas que compiten de maneira individual ou por parellas, da provincia de Pontevedra, e que obtivesen o recoñecemento como DEPO-DAN ou DEPO-PROMESA na lista de persoas deportistas recoñecidas e non recoñecidas nas categorías DEPO-DAN e DEPO-PROMESA publicada no Boletín Oficial da Provincia de Pontevedra (BOPPO) núm. 51 do 13 de marzo de 2019.

As solicitudes deberán realizarse preferentemente por medios electrónicos, a través do formulario normalizado dispoñible na sede electrónica da Deputación de Pontevedra (https://sede.depo.gal).

O prazo de presentación das solicitudes será de 15 días hábiles, contados a partir do día seguinte ao da publicación das bases da convocatoria e do extracto no BOPPO

• Bases (BOPPO 16/05/2019)
• Extracto da convocatoria (BOPPO 16/05/2019)

 

Convocatoria para regular a calificación

Esta convocatoria ten por obxecto establecer as bases polas que se regula a cualificación das e dos deportistas que compiten de maneira individual ou por parellas para o seu recoñecemento como deportistas de alto nivel (DEPO-DAN) ou deportista promesa (DEPO-PROMESA) da provincia de Pontevedra, así como a regulamentación das axudas e beneficios establecidos pola Deputación para estas persoas.

• Bases (BOPPO 04/12/2018)
• Lista definitiva das e dos deportistas recoñecidos e non recoñecidos nas categorías DEPO-DAN e DEPO-PROMESA para optar aos programas de axudas destinados a estas modalidades (BOPPO 13/03/2019)
• Modificación da lista definitiva (BOPPO 09/04/2019 )