Estas axudas económicas están destinadas ao apoio, o desenvolvemento e a organización de festivais e certames cinematográficos na provincia de Pontevedra que lles dediquen unha especial atención á programación e difusión do cine galego e ás demais variantes lingüísticas de produción.

Con estas subvencións quérese impulsar un novo marco de actuación cultural baseado nas seguintes premisas:

• O pulo do sector audiovisual galego, considerado como estratéxico para a comunidade e para a nosa provincia
• A consolidación de industrias audiovisuais competitivas, con posibilidades de exportar e darlle rendibilidade social e económica á cultura galega
• A busca da excelencia nos produtos culturais galegos, coa posta en valor da cultura galega a través da creación e divulgación de produtos audiovisuais
• O fomento de marcos e espazos expositivos para a promoción dos produtos audiovisuais galegos na provincia de Pontevedra