Urban Sketching
Obradoiro impartido por Carlos Castro
Sinopse
O urban sketching ou pintura urbana ao aire libre é unha forma de arte directa realizada en contacto coa paisaxe, un método directo de pintura no que a ou o artista, a través da súa visión particular, plasma sobre o papel ou lenzo as cores e as formas que observa ao seu redor; pode ser unha paisaxe, obxectos, vehículos, persoas… É coma fotografar con métodos tradicionais de pintura.
Non se necesitan ferramentas caras, tan só un lapis e mais un papel e, no caso deste obradoiro, cores gouache ou témperas e pinceis.
O obradoiro consiste en buscar un recuncho na cidade que nos chame a atención para pintalo; realizaremos un pequeno bosquexo en papel de acuarela para despois darlle cores e obter a pintura final.
Non se necesita experiencia previa, pero si vontade de pasalo ben plasmando o que vemos e observando o mundo ao noso arredor máis intensamente do que o adoitamos facer.
Nesta clase darei uns conceptos básicos da pintura gouache e de mestura e aplicación de cores, así como conceptos de debuxo, composición e encaixe do bosquexo sobre o papel. A seguir, sairemos ao exterior para debuxar e pintar o motivo que escollésemos e poñeremos en práctica o aprendido.
Materiais que necesitan as persoas participantes
- Botes primarios de pintura gouache ou témpera (azul, amarelo, maxenta, branco e negro)
- Lapis de cores azul ou vermello
- Pinceis de auga planos e redondos, se é posible de diferentes tamaños
- Cinta de artista
Participantes
- Persoas interesadas maiores de 15 anos
Prazas
- 15
Data e horario
- Luns 1 de agosto, de 10:30 a 14:00 h (cun descanso)
Lugar
- Sede da Deputación en Vigo