Mulleres en acción Violencia Zero

"UN XARDÍN POR (RE)CONSTRUÍR", Diana Mera

Gondomar, setembro 2019

Diana Mera

UN XARDÍN POR (RE)CONSTRUÍR

Penso no meu corpo como unha terra virxe onde todo o vivo e o inerte pode suceder, arraigar dun impulso sanguíneo, permanecer ata se esgotar, derivar en formas e texturas descoñecidas sen nomes nin imaxes coñecidas.

Penso no meu corpo como un ser estraño que ninguén pode definir nin limitar, que se constrúe e se destrúe sabiamente a si mesmo polo simple pracer de improvisar.

Penso no meu corpo como bolboreta que transforma o apoio dos meus pés coas súas ás.

 

CV Diana Mera (A Cañiza, 1979)

Directora de escena, actriz e dramaturga. Titulada superior en Arte Dramática na especialidade de Dirección de escena e dramaturxia e diplomada en Educación Primaria, cun máster en Artes Escénicas pola Universidade de Vigo e un diploma en Interpretación pola Escola de Teatro Santart. Desde o 2003 ata o 2012 participa como actriz en diversas montaxes na compañía Arela das Artes. A partir do 2009 comeza a dirixir os seus espectáculos, entre os que destacan os traballos de creación propia: 69, Muller nº9, 13 caídas, 30 e tantos ósos e 6 cubos negros en corpo branco. No campo da performance participou en dous traballos presentados na ESAD de Galicia e no Conservatorio Superior de Vigo e dirixiu Azag. Escena deserta, con motivo da fundación da revista de artes escénicas Núa da que é cofundadora. Actualmente compaxina o seu labor docente co seu traballo creativo nas artes escénicas.