Noticias

11 coros participan en Cangas no VI Festival de Corais da Deputación


14 abr 2015

Cangas converterase un ano máis na capital da música do Morrazo coa celebración do VI Festival de Corais organizado pola Deputación de Pontevedra.

O auditorio municipal será, o vindeiro domingo 19 de abril, o escenario dun certame no que 11 coros de Poio, Pontevedra, Marín, Moaña, Fornelos de Montes, Bueu e Cangas ofrecerán pezas do seu mellor repertorio musical.

Ó escenario subirán a Coral de Poio, a Coral Polifónica de Salcedo, a Coral Lembranzas de Marín, o Coro Samertolameu, o Coro Orfeón Moaña, a Coral Voces Fornelenses, o Coro Chorima, a Coral Santa Eulalia de Meira, o Coro Nosa Señora do Carme, a Coral Polifónica de Bueu e a Coral Queixumes do Hío.

Desde as 17:00 horas cada unha das corais interpretará tres das súas mellores obras, pertencentes a diferentes estilos musicais.

Ó igual que nas anteriores edicións todas as bandas serán obsequiadas pola súa participación neste festival.