A Deputación renova o seu apoio á Rapa das Bestas de Sabucedo, Festa Internacional que atrae a medios de comunicación de todo o mundo

A institución provincial outorga 8.000 euros á asociación organizadora para celebrar e difundir o acontecemento, que se celebrará do 1 ao 4 de xullo

26/06/2022

A Deputación de Pontevedra apoia un ano máis a Rapa das Bestas de Sabucedo (A Estrada), un acontecemento declarado Festa de Interese Turístico Internacional que atrae a fotoxornalistas de todo o mundo, medios de comunicación audiovisuais e impresos e cineastas pola épica e a gran beleza estética da loita ancestral corpo a corpo cos cabalos para cortarlles as crines. A institución provincial aporta unha axuda de 8.000 euros á Asociación Rapa das Bestas de Sabucedo, entidade organizadora do acontecemento, que este ano terá lugar entre o 1 e o 4 de xullo.

A Deputación potencia co seu apoio á Rapa a difusión deste evento internacional e a proxección de Rías Baixas - Pontevedra Provincia dentro e fóra de Galicia como destino lúdico, cultural e de calidade, ademais de promocionar as comarcas do interior do territorio como atractivo turístico.

A Rapa das Bestas ten un gran interese cultural, histórico, etnográfico e popular. Iniciase coa saída ao monte para agrupar aos animais e baixalos posteriormente á aldea de Sabucedo, unha experiencia na que participan veciñas e veciños e visitantes. Os cabalos son dirixidos despois ao curro, onde os “aloitadores” empregan técnica e forza para inmobilizalos e cortarlles as crines. Os animais son desparasitados para mellorar a súa hixiene e saúde, e devoltos despois ao monte. As imaxes do curro son reproducidas cada ano en medios de comunicación internacionais xeneralistas e especializados, e a tradición atrae o interese das produtoras audiovisuais para rodar proxectos cinematográficos. Durante a Rapa, ademais, celébranse en Sabucedo actividades complementarias cunha ampla oferta cultural, musical e lúdica dirixida a todos os públicos. As entradas para asistir aos curros están xa á venta na web da Asociación Rapa das Bestas de Sabucedo.

A Rapa é unha das seis festas de interese turístico internacional das Rías Baixas. Contan tamén con esta declaración a Arribada de Baiona, a Romaría Vikinga de Catoira, a Feira do Cocido de Lalín, o Corpus Christi de Ponteareas coas súas alfombras florais, e a Festa do Albariño de Cambados. A Deputación de Pontevedra colabora na promoción destes eventos de renome que atraen a centos de miles de persoas á provincia de Pontevedra; e proxecta tamén os atractivos turísticos dos territorios nos que se celebran para impulsar as visitas durante todo o ano.

 

videos

Noticias relacionadas

 
		A Deputación renova o seu apoio á Romaría Vikinga

A Deputación renova o seu apoio á Romaría Vikinga

A institución aporta unha axuda de 8.000 euros para a organización da festa internacional de Catoira amais de levar este venres o concerto de Tanxugueiras co programa Musigal

 
		A Deputación envórcase coa Rapa das Bestas e avanza as accións do plan de sostibilidade turística para a Festa Internacional de Sabucedo

A Deputación envórcase coa Rapa das Bestas e avanza as accións do plan de sostibilidade turística para a Festa Internacional de Sabucedo

Carmela Silva anuncia a partir de setembro actuacións como a renaturalización do Campo do Medio, a posta en marcha dunha experiencia dixital para a interpretación da Rapa, un potente plan de promoción ou a creación dunha central de reservas

 
		A Deputación anima a acudir á edición “máis potente” da Rapa das Bestas para vivir unha tradición que atrae medios de todo o mundo

A Deputación anima a acudir á edición “máis potente” da Rapa das Bestas para vivir unha tradición que atrae medios de todo o mundo

Carmela Silva: “A xente está desexando ir a Sabucedo e ten moita máis conciencia da importancia destas festas que falan de recuperar a relación coa natureza, os sorrisos, os abrazos, as comidas xuntas e xuntos e a música”

— 3 Resultados por páxina
Mostrando o intervalo 1 - 3 de 5 resultados.