Noticias

A Lama mantén o seu reparto de alimentos e bens de primeira necesidade entre a poboación en medio dunha forte ventisca e neve

O tenente de alcalde David Carrera, operarios municipais de Servizos sociais e voluntarios de Protección Civil percorren o municipio levando axuda a persoas vulnerables e realizándolles as compras que precisen


31 marzo 2020
A Lama
Ventisca na Lama

Efectivos de Protección Civil da Agrupación de Voluntarios Oitavén-Tea e personal de Servizos Sociais coordinados polo tenente de alcalde do Concello da Lama, David Carrera, desafían a forte ventisca e a intensa neve e auganeve que está caíndo a estas horas polas aldeas máis recónditas do municipio para levarlle á poboación máis vulnerable alimentos e bens de primeira necesidade.

O Comité de Coordinación segue cos seu reparto solidario entre os beneficiarios habituais de Servizos Sociais así como a aquelas persoas en especial vulnerabilidade que se ven ailladas por mor do confinamento decretado tra-lo Estado de Alarma polo COVID-19.

O centro loxístico de alimentos, ubicado nos baixos do Centro Multiusos da Lama aglutina a maior parte da mercadoría que o Concello da Lama ten acumulada para facer fronte ás necesidades das persoas en situación de emerxencia social. Persoal de Servizos Sociais clasifica e administra o material para facer paquetes equilibrados para que se fagan entrega a domicilio aos beneficiarios do servizo.

Por outra banda, membros de Protección Civil Oitavén-Tea siguen cos labores de desinfectar de xeito preventivo con material específico para esta tarefa o centro da vila da Lama con especial incidencia nas inmediacións do Centro de Saúde, supermercados, entidades bancarias e aqules elementos especialmente sensibles á permanencia do COVID-19 como barandas ou contedores, pomos das portas de edificios públicos e privados de especial concurrencia, etc.

Despois de dúas semanas da declaración do Estado de Alarma, un equipo humano composto por operarios dos Servizos Sociais e voluntarios de Protección Civil, coordinados polo tenente de alcalde David Carrera, percorren de maneira continua e diaria o municipio repartindo alimentos de primeira necesidade a persoas de especial vulnerabilidade e tamén fan os recados ás persoas maiores que viven soas e teñen problemas para desprazarse ou a súa condición de inmunodepresiva aconsellan que manteñan ao máximo o seu aillamento domiciliario.

Así, estas brigadas solidarias impulsadas pola mesa de coordinación do  Concello da Lama axudan aos veciños nas súas compras de alimentos nos supermercados e tendas próximas, subministro de butano ou adquisición de mediciñas na farmacia do municipio.

O operativo que está en funcionamento xurde da xuntanza de coordinación celebrado a principios de semana no que participaron membros do equipo de Goberno do Concello da Lama, a Agrupación de Voluntarios de Protección Civil Oitavén-Tea e responsables dos Servizos Sociais do Concello.

Este esforzo coordinado polo Concello da Lama e efectivos de Protección Civil permite establecer un protocolo de actuación para marcar as pautas a seguir para atender personalizadamente as necesidades de todas e cada unha das persoas en situación de vulnerabilidade ás que se lle atenderá domiciliarmente.

Os voluntarios de Protección Civil coordinaránse cos responsables de Servizos Sociais para actuar naqueles casos de necesidade e sempre guiados pola profesionalidade e a seguridade sanitaria. Para elo, os membros de Protección Civil gardarán un escrupuloso protocolo de actuación que preserve tanto a saúde das persoas sobre as que se actúe como a do propio voluntario. Así, irán provistos de tódalas medidas de prevención como mascarillas, luvas e uniformes de continxencia para evitar contaxios e propagación do coronavirus.

Protección  Civil e o Concello da Lama manteñen tamén unha liña permanente e directa coas autoridades sanitarias e gubernativas para seguir a raxataboa tódalas indicacións que nese sentido se dimanen dos organismos coordinadores para garantir a eficacia e eficiencia das actuacións preventivas e combativas da pandemia do Coronavirus.

Os veciños que precisen desta asistencia poden chamar ao teléfono do Concello da Lama 986 76 82 38 ou a Protección Civil: 695 7473 61.