Noticias

Este ano, e só coa financiación do Plan Concellos, A Cañiza ten preto doutro millón de euros, un 75 % máis que no 2017

Este ano, e só coa financiación do Plan Concellos, a Cañiza ten preto doutro millón de euros, un 75% máis que no 2017


16 abril 2018
A presidenta da Deputación de Pontevedra, Carmela Silva, acompañada do alcalde da Cañiza, Miguel Domínguez

A presidenta da Deputación de Pontevedra, Carmela Silva, acompañada do alcalde da Cañiza, Miguel Domínguez, presentou hoxe no concello da Paradanta os investimentos que a institución provincial está a realizar na vila, que nos dous últimos anos eleváronse a case 3 millóns de euros. Silva puxo en valor os proxectos que este ano 2018 a Deputación financiará na Cañiza, entre os que destacan o proxecto de urbanización do parque central do concello, enmarcado no Plan de Reequilibrio, e aquelas outras actuacións que serán costeadas ao abeiro do Plan Concellos 2018.

Respecto ao futuro Parque Central, coa urbanización e desenvolvemento da zona verde adxacente ao parque público Dr. Heriberto Fuentes, a Deputación financiará de forma íntegra os 383.217,15 euros do orzamento, xa que o 20 % que correspondería poñer ao municipio, 76.643,43 euros, serán investidos cunha partida do Plan Concellos 2018.

Trátase dun proxecto que sigue perfectamente o modelo que a Deputación está  propor en todo o territorio, onde as persoas son as que importan e no que os espazos públicos volven a ter o protagonismo que durante anos se lles negou debido ás políticas urbanísticas sen control nas que pouco ou nada importaba o benestar dos veciños e das veciñas.

O proxecto reserva espazos interconectados para todas as persoas, que van a permitir que convivan distintas xeracións, xogando arquitectonicamente con elementos circulares que axudan a definir cada zona como a de xogos infantís, a de xogos xuvenís, a zona deportiva ou as zonas de paseo e xardíns. Todo elo estará organizado cunha sensibilidade arquitectónica en canto a mobiliario e arborado , camiños brandos, elementos en pedra e elementos patrimoniais, que chegan aos case 4.500 m2 de actuación. Con este proxecto non só se mellorará e humanizará o parque, senón que aproveitarase tamén para dispor de novas prazas de aparcamento na zona centro do concello, o que vai facilitar que se poidan desenvolver outras accións similares.

En canto ao Plan Concellos 2018, polo que A Cañiza ten a súa disposición 928.630 euros, un 75 % máis que o que lle correspondeu no ano pasado 2017, un dos proxectos máis destacados é o acondicionamento da rúa Silleda. Trátase da entrada principal do municipio que, ademais, será obxecto dunha actuación de Mobilidade mediante un convenio que asinarase en breve, para a reparación de toda a estrada e a construción de beirarrúas, saneamento e abastecemento, cun importe total de máis de 166.000 euros. Outras actuacións financiadas pola Deputación serán a pavimentación de camiños nas Achas, O Couto, A Franqueira, Luneda, Parada e Valeixe, cun orzamento de 180.873,22 €; o saneamento do Foxo, coa instalación dun colector de saneamento e unha estación depuradora, 119.613 €; a humanización da praza de Valeixe, 71.069,37 €; a ampliación e mellora do ximnasio municipal, 60.499.99 €; ou a compra dun vehículo compactador de RSU, 140.646,58 €.

Ademais, ao través da Liña 3 de Emprego do Plan Concellos 2018, a Deputación inviste este ano un total de 122.361,75 euros, cartos cos que o Concello financiará a contratación dun total de 18 traballadores ou traballadoras para os postos de 1 mozo/a para recollida do lixo; 1 albanel, 2 peóns de construción, 1 electricista-persoal de mantemento; 3 peóns de horticultura-xardinería; 2 peóns limpadores/as; 1 tractorista, 4 operarios de bacheo-teitadores de asfalto; e 3 varredores. Desde que o Goberno de Carmela Silva tomou posesión, ata 54 veciñas e veciños da Cañiza contaron o están a contar cun emprego financiado pola Deputación de Pontevedra. Ademais, entre os anos 2015 e 2017 traballaron a través do Plan de práctica laboral 3 persoas diplomadas, e neste ano 2018 o alcalde nos ten solicitado unha diplomatura en traballo social e unha licenciatura en administración e dirección de empresas.


Outras novas

mellora de estrada provincial

25 abril 2018, cerdedo-cotobade, mellora, estrada provincial, portela, serrapio
Museo de Pontevedra

24 abril 2018, pontevedra, filgueira valverde, o museo, correspondencia, ´sánchez cantón
pormoción turística

24 abril 2018, pontevedra, turismo, vigo, porto, o salnes, o deza, promocion turistica
Mulleres en Acción. Violencia Zero en Barro

24 abril 2018, barro, violencia zero, mulleres en acción, amparo novas
Nieves Fran

23 abril 2018, visitas, cruzadas, margarita ledo, xacio baño