Noticias

Carmela Silva condena o novo asasinato de violencia machista na parroquia de Ponte Sampaio


24 out 2015

A presidenta da Deputación de Pontevedra, Carmela Silva, condena o novo asasinato de violencia machista ocorrido de madrugada na parroquia pontevedresa de Ponte Sampaio.

Silva expresou a súa máis enérxica repulsa pola nova morte, que se suma ás outras dúas mulleres asasinadas nestes últimos días en Tenerife e Fuengirola.

Para a presidenta, que nestes dez primeiros meses do ano a cifra de mortes de mulleres pola violencia machista se achegue a 39 e que outras catro aínda estean en investigación é un claro síntoma de que algo está a fallar na nosa sociedade; volveu insistir na necesidade dunha implicación real de todas as administracións para acabar con este goteo continuo de mortes.

Carmela Silva subliñou a necesidade de impulsar un "pacto de Estado" para que todas as administracións, xunto coa sociedade civil, fagan unha loita global contra esta lacra de asasinatos.