Noticias

O deputado de infraestruturas supervisa en Rodeiro o novo firme da estrada provincial EP-6204 Portela-Antas de Ulla

A actuación, que mellora a seguridade viaria acorde co modelo da Deputación de Pontevedra, contou cun investimento de máis de 182.000 euros


30 xullo 2020
Visita ás obras de Rodeiro

"Garantir dotacións, equipamentos e infraestruturas á cidadanía viva no concello que viva, e moito máis se falamos de concellos pequenos e rurais que teñen dereito a ter os mellores servizos". Con esta mensaxe, o deputado de infraestruturas, Gregorio Agís, visitou hoxe en Rodeiro, xunto ao alcalde, Luis López, o concelleiro de Vías e Obras, e os responsables técnicos e da empresa, o novo firme da estrada provincial EP-6204 entre Portela e Antas de Ulla, unha vez rematado o proxecto que foi financiado pola Deputación de Pontevedra cun investimento de máis de 182.000 euros.

As obras se acometeron en 3,5 quilómetros da estrada cunha actuación estivo enmarcada no modelo da Deputación para optimizar as vías provinciais que percorren o territorio. O proxecto levado a cabo consistiu na renovación do firme da estrada coa execución dun tratamento superficial seguido dunha capa de formigón bituminoso de 5 centímetros en varios treitos da vía. Para iso realizáronse escavacións, fresados, así como dotouse á vía de novas capas asfálticas e tratamentos superficiais. Tamén, aproveitouse a actuación para realizar un saneo e executar microaglomerado en frío, así como pintar a totalidade da EP-6204 entre Portela e Antas de Ulla.

Deste xeito, a Deputación de Pontevedra dota á estrada dunha maior seguridade viaria, salvagardando a debida prestación do servizo público viario, e continúa espallando pola provincia o seu modelo de mobilidade segura.