Noticias

O Pazo provincial tinguirase de azul turquesa con motivo do Día Mundial da Dislexia

O edificio da Deputación de Pontevedra iluminarase desde a tarde deste xoves 10 de outubro ata a mañá do venres 11


09 outubro 2019
Pazo Provincial

A Deputación de Pontevedra iluminará o Pazo provincial de azul turquesa desde a noite deste xoves 10 de outubro ata o venres 11 con motivo do Día Mundial da Dislexia, uníndose así á campaña da Federación Española de Dislexia, #UnidosPorLaDislexia.

Dita campaña, promovida ao abeiro do Día Mundial da Dislexia, ten por obxectivo visibilizar este trastorno do aprendizaxe que afecta, como mínimo, ao 10 % da poboación e que supón aproximadamente catro de cada seis abandonos escolares.

A Asemblea Xeral de la FEDI elixiu a cor azul turquesa para representar a causa da dislexia polas súas connotacións positivas para as persoas con dislexia, xa que promove a creatividade, a calma, a serenidade, a tranquilidade e a relaxación.

Xunto á Deputación de Pontevedra tamén iluminarán os seus edificios gobernamentais diferentes concellos de España e mesmo o Congreso dos Deputados.