Noticias

Andrés Díaz esixe explicacións a Alfonso Rueda sobre a creación dun posto "a dedo" de funcionario para Antón Xil no concello de A Lama

Díaz considera esta situación como un "fraude político de cara aos votantes do Partido Popular aos que respecta moitísimo. En política, independentemente das siglas polas que te presentes, éntrase para servir ás veciñas e veciños e non para servirte ou lucrarse"


04 novembro 2019
Ponte Caldelas
Concello de Ponte Caldelas

O Goberno Local de Ponte Caldelas esixe explicacións a Alfonso Rueda, presidente do Partido Popular en Pontevedra, polo que considera un claro caso de enchufismo, como premio a Antón Xil por ter sido o candidato do Partido Popular en Ponte Caldelas nas pasadas eleccións.

O Goberno presidido por Díaz quere lembrar que Xil foi elixido in extremis como candidato do PP cando non atopaban a ninguén. Un feito que xa por aquel entón sorprendeu a todos, xa que Antón Xil reside en Forzáns pero non é nativo de Ponte Caldelas. Ademais, como se amosou no seu día, Antón Xil foi militante do Partido Comunista de Galicia, incluso chegou a ir de número 8 nas listas ao Parlamento Galego. Por este motivo sorprende que un home que foi nun partido independentista e comunista encabece a lista do Partido Popular en Ponte Caldelas, sorprende que o PP aceptase unha candidatura onde o cabeza da lista presumise de ser independentista e non fose afiliado do Partido Popular.

O que xa se sospeitaba por aquel entón, engade Díaz, agora xa é unha realidade "pois xa se está ultimando o premioenchufe a Antón Xil no concello de A Lama".

Ante unha política transparente o rexedor caldelá esixe responsabilidades a Alfonso Rueda sobre estes feitos, que cualifica de "vergoñentos".