Noticias

Comeza o formigonado da Senda de Parada

A vía peonil que mellorará a seguridade vial será de cor ocre


08 outubro
Senda Ponte Caldelas

Avanzan a bo ritmo os traballos da Senda de Parada, a vía peonil que unirá os lugares de Cuñas e Parada. Esta semana comezou o formigonado do camiño que se fará en cor ocre, unha cor natural, acorde co medio ambiente e que tamén da continuidade á vía peonil que discorre polo lugar de Cuñas e que unirá á altura da rotonda a través dun paso de peóns.

A senda peonil mellorará a seguridade vial para os peóns que a diario empregan este espazo, ben para comunicarse co centro da vila ou ben para camiñar por lecer. A actuación abarca un tramo de dous quilómetros, dende a rotonda de Cuñas ata o Cruceiro de Parada (EP-0206) para crear un espazo de circulación para os peóns, bicicletas e persoas con mobilidade reducida na marxe dereita do vial, de maneira que aproveitando o actual sobreancho do que dispón a vía se está a crear unha senda de formigón colorado en tono ocre que terá, como mínimo, 2,5 metros de ancho.

A actuación inclúe tamén unha importante mellora na parte central do lugar de Parada, pois no estreitamento da estrada que existe no centro do núcleo crearase unha plataforma única sobreelevada que permitirá a coexistencia de trá¿co rodado e peonil nunhas condicións de seguridade máis axeitadas ás actuais.

As obras van permitir tamén mellorar a iluminación no tramo interurbano. Deste xeito, incrementaranse o número de puntos de luz existentes con farolas cada 50 metros. Xa se instalou unha tubaxe de evacuación das augas pluviais que caen na estrada todas as arquetas de rexistro. Igualmente reporase e mellorarase o ¿rme en zonas con danos e repintarase a sinalización horizontal en todo o ámbito de actuación.