Noticias

Novo vernizado ós bancos da Praza de España

Edigal pon a punto o seu ‘expositor' de Ponte Caldelas


17 abril 2021
Ponte Caldelas
Vernizado dos bancos da praza de España

Un expositor ó aire libre na Praza de España de Ponte Caldelas. Así funcionan os bancos ‘Modelo Ponte Caldelas' para a empresa Edigal, que esta semana volveu a poñelos a punto cun lixado e vernizado para que lozan fermosos e en todo o seu esplendor.

A carón da pérgola e da fonte luminosa, os bancos da Praza de España atópanse de novo en perfecto estado de conservación, logo dos traballos efectuados pola empresa fabricante de mobiliario urbano que atopou en Ponte Caldelas un gran expositor ó aire libre que sempre coida e conserva.

Os bancos dispoñen de iluminación led na súa parte inferior e contan con cargadores USB para que se poidan repoñer as baterías dos diferentes dispositivos móbiles.