Noticias

O Concello de Ponte Caldelas reabre a partir do luns con cita previa

Para facer os trámites hai que chamar previamente ao Concello e concertar día e hora


21 maio 2020
Ponte Caldelas
Concello de Ponte Caldelas

O Concello de Ponte Caldelas abre o luns 25 de maio as súas portas de novo, pero farao baixo o sistema de cita previa. As persoas que precisen facer trámites na Casa Consitorial deberán chamar previamente ao 986750001 ou 986750013 para concertar día e hora no correspondente departamento. O mesmo, na Biblioteca, pero neste caso chamando ao 986767235.

Como medida de protección, nas oficinas de atención ao público instaláronse mamparas de protección e todas as mesas dispoñen de xel hidroalcólico para desinfección de mans, que se suman á fonte desinfectante xa instalada a carón da porta principal do edificio.

Ata o momento, o Concello de Ponte Caldelas atendía vía telefónica e vía telemática, aínda que para cuestións urxentes se atendía de xeito presencial mantendo todas as medidas de seguridade e distanciamento recomendadas.