Noticias

Obradoiro de manualidades de moldeado e pintado con obxectos reciclados dentro do programa de Tecendo Lazos


10 setembro 2019
Ribadumia
Concello de Ribadumia

O Concello de Ribadumia informa que xa deu comezo o prazo de inscrición para o obradoiro de manualidades de moldeado e pintado con obxectos reciclados o cal se inclúe dentro do programa "Tecendo lazos" da Deputación de Pontevedra. Os interesados poden anotarse ata o 4 de outubro no Concello.

O programa "Tecendo lazos" consta dunha serie de actividades interxeracionais a través das cales preténdese poñer en contacto a persoas de distintas xeracións para favorecer as relacións individuais, familiares e sociais entre todos os participantes.

Ademais, poderase demostrar que cando termina a vida útil dun produto, aínda se pode utilizar para darlle vida a outro.

Poderán asistir nenos e nenas dende os 6 anos e adultos.

Os días escollidos para a realización do obradoiro serán os 19 e 26 de outubro, 16 e 23 de novembro, e o 30 de novembro e 7 de decembro. Sendo así unha opción para desfrutar creando en familia nas tardes de outono dos sábados.

Convidamos a todos os veciños a que se interesen por estas iniciativas que se poden vivir en familia e que aproveiten para inscribirse no Concello.

Máis información no Departamento de Cultura do Concello de Ribadumia ou nos teléfonos 986718491/99.