Esta mostra pon en relación diferentes artistas que debuxan, pintan e crean sobre a nosa provincia, sobre o incrible paraíso no que vivimos: ilustran As Rías Baixas. Un amplo abano de estilos e técnicas, de formas de representar, dun compendio de artistas multixeracional que nos farán percorrer sendas e bosques, trazar rutas por cidades, vilas e aldeas, namorar dos solpores máis sublimes, admirar espazos patrimoniais e sentir lugares e persoas que son tan especiais coma senlleiros.