Jornada nueva Ley de contratos

Novas relacionadas

Ponteareas acolle o Campionato Galego de Bádminton Sub 11 e Sénior.


15 febreiro 2019
Ponteareas
Campionato Galego de Bádminton Sub 11 e Sénior

Ponteareas acollerá esta fin de semana o Campionato Galego de Bádminton para as categorías Sub 11 e Sénior, converténdose xunto con Ourense, A Coruña e A Estrada nun dos concellos que albergarán nesta tempada un campionato galego.

Este campionato foi presentado na Casa Consistorial polo concelleiro de Deportes, Benito Márquez, polo presidente do Club Bádminton de Ponteareas, Víctor Lemos, e polo presidente do Club Escola Rosalía de Vigo, Jesús Gómez. Estes dúas entidades deportivas, en colaboración coa concellería de Deportes, serán as encargadas de levar a cabo a organización do evento.

O campionato desenvolverase no Polideportivo Álvaro Pino que contará con 14 pistas repartidas nos dous pavillóns da instalación. Nesta cita participaran 131 xogadores/as procedentes de toda a xeografía de Galicia que disputarán un total de 32 probas repartidas entre as modalidades de individual masculino, individual femenino, dobles masculino, dobres feminino e dobres mixto. A proba estará controlada polas Federacións Galega e Española de Bádminton sendo o xuiz árbitro o catalán Francesc Pi acompañado de dous árbitros nacionais.

A competición comezará arredor das 14:00 horas do sábado 16 de febreiro coa disputa da fase de grupos e o cadro final mentres que na xornada dominical terán lugar as semifinais e finais coa posterior entrega de premios ao seu remate.

Dentro dos xogadores participantes haberá moitos campións galegos e nacionais das distintas categorías en xogo que terán na localidade do Condado-Paradanta o reto de revalidar o seu título e de preparar os Campionatos de España de cada unha das categorías que terán lugar en Pontevedra para os Sub 11 e Palma de Mallorca