O ORAL da Deputación de Pontevedra, en virtude das funcións que, en materia de recadación de ingresos públicos dos concellos sinalados, ten delegadas, pon ao dispor destes a aprobación do padrón e das listas de cobranza das taxas e prezos públicos correspondentes a cada concello .
A publicación oficial da exposición pública realizouse no Boletín Oficial da Provincia de Pontevedra (BOPPO), número 82, do 2 de maio de 2025, ten o carácter de notificación colectiva e estará dispoñible para a súa consulta pública nas dependencias dos concellos sinalados durante o período comprendido entre o 6 de maio e o 6 de xuño (ambos os dous incluídos).

Durante este prazo as persoas interesadas poderán consultar os rexistros relativos exclusivamente á súa débeda tributaria en cada un dos concellos respectivos e/ou nas oficinas do ORAL.

Unha vez rematado o período de exposición pública, as persoas contribuíntes disporán do prazo dun (1) mes para interpoñer os recursos que procedan contra a resolución de aprobación do padrón ou as liquidacións incluídas nela.

Así mesmo, o período voluntario de cobranza destes tributos iníciase o 6 de maio e termina o 7 de xullo (ambos os dous incluídos).

Consulte as normas da cobranza en BOPPO 02/05/2025