Na sentenza desestímase o recurso interposto contra a inadmisión da solicitude de nulidade de pleno dereito de varias liquidacións firmes do imposto sobre bens inmobles (IBI). A Sala lembra dúas cuestións especialmente relevantes:

- Que o procedemento previsto no artigo 217 da Lei 58/2003, de 17 de decembro, xeral tributaria, ten carácter excepcional e só procede nos supostos taxados de nulidade radical, nos que se prescinde total e absolutamente do procedemento legalmente establecido, e sen que se poida empregar para revisar actos tributarios firmes por calquera infracción do ordenamento xurídico.

- Que a revogación e a devolución de ingresos indebidos son procedementos distintos (a primeira é un instrumento ao servizo da segunda) que non poden tramitarse conxuntamente.