Desde o 2 de outubro ata o 4 de decembro está aberto o prazo para aboar as liquidacións derivadas dos procedementos simplificados de valoración colectiva (PSVC) que a Xerencia Territorial do Catastro de Pontevedra realizou nos concellos de Moaña, Mondariz, Ponteareas, Rodeiro, Silleda e Soutomaior.
Se non ten a súa carta de pagamento, lembre que pode obtela e evitar recargas innecesarias a través dos seguintes medios:

• En https://ovt.depo.gal
• A través do correo electrónico informacion.oral@depo.gal
• Nos teléfonos 886 211 400 e 886 211 420
• En calquera das nosas oficinas de atención presencial

A partir do día seguinte á data límite de pagamento en período voluntario, o ORAL fará efectiva a cobranza a través da vía de constrinximento, coa inclusión dos xuros de demora e das recargas que procedan, no seu caso.
Para planificar a súa asistencia ás nosas oficinas e evitar esperas innecesarias, pode obter cita previa en:

• Web do ORAL: https://oral.depo.gal
• OVT: https://ovt.depo.gal
• Sede electrónica: https://sede.depo.gal/citaprevia
• Teléfonos: 886 211 400 e 886 211 420