A Subdirección Xeral de Tributos Locais conclúe que a consolidación do pleno dominio derivada dun pacto de mellora está suxeita ao imposto sobre o incremento do valor dos terreos de natureza urbana cando a consolidación se produce mediante a transmisión lucrativa do usufruto vitalicio á persoa que posúe a núa propiedade. Neste suposto existe unha nova transmisión dun dereito real de gozo limitativo do dominio, distinta da simple extinción do usufruto por falecemento da persoa usufrutuaria, polo que se realiza un novo feito impoñible do imposto; será suxeito pasivo a persoa que adquire o usufruto e producirase a devindicación na data de formalización do pacto de mellora.