O Tribunal Supremo analiza se a Administración pode declarar a responsabilidade tributaria subsidiaria dunha ou dun administrador sen dirixirse antes contra os membros dunha sociedade xa disolta e liquidada. A Sala conclúe que, unha vez extinguida a personalidade xurídica da sociedade, as débedas tributarias transmítense ope legis ás persoas socias ou partícipes, nos termos dos artigos 40.1 e 177.2 da Lei xeral tributaria (LXT). Por iso, antes de derivar a responsabilidade á persoa administradora, a Administración debe continuar o procedemento recadatorio contra as e os socios e, de ser o caso, declaralos falidos.

Non cabe derivar directamente as débedas dunha sociedade liquidada á administradora ou administrador pola vía do artigo 43 da LXT, ignorando a previa sucesión tributaria das persoas socias.