Entre os principais resultados previstos inclúense: o desenvolvemento de recursos dixitais, arquivos de memoria colectiva, plataformas interactivas, contidos audiovisuais, experiencias inmersivas e accións piloto vinculadas ao patrimonio marítimo e ao turismo cultural sostible.

O proxecto contribuirá tamén a crear novas narrativas culturais, a fortalecer a cooperación entre territorios atlánticos europeos e a xerar modelos innovadores de participación e transmisión do coñecemento. Impacto esperado

As actuacións do proxecto axudarán a reforzar a identidade cultural das comunidades costeiras atlánticas, promovendo a conservación e difusión do patrimonio marítimo, a participación activa da cidadanía e a creación de novas oportunidades vinculadas ao turismo sostible, á cultura e ao desenvolvemento territorial.

“AWAVES” busca consolidar o patrimonio marítimo como un recurso vivo, innovador e compartido, capaz de conectar memoria, territorio e futuro.