#MOBILIDADE
Nova Bauhaus Europea
A Rede Ágora de Concellos polo Espazo Público está recoñecida polo Ministerio de Transportes, Mobilidade e Axenda Urbana (MITMA) como unha iniciativa aliñada coa Nova Bauhaus Europea, un movemento impulsado pola presidenta da Comisión Europea, Úrsula von der Leyen, para construír espazos de vida sustentables e accesibles.
O Departamento de Mobilidade, a través do deputado Uxío Benítez, participou no mes de xuño en Madrid nunha xornada organizada polo Ministerio de Transportes, Mobilidade e Axenda Urbana para expoñer a proposta pontevedresa da Rede Ágora para recuperar o espazo público.
A Deputación tamén participou no I Foro Urbano de España que tivo lugar en Sevilla dentro das intervencións sobre a Nova Bauhaus.
Máis información: https://europa.eu/new-european-bauhaus/index_es