Coas madeiras que o mar lles devolve aos cantís e ás praias Ch Sueiro crea pezas de carácter surrealista de pequeno e medio formato, e concibe esta materia prima como un feito plástico en si mesmo, onde a madeira se converte nun pretexto para crear pezas que xorden do imaxinario e do onírico: sereas, barcos náufragos, medusas... Tamén xorden peregrinas e peregrinos para ser contemplados nas súas tres dimensións.