O artista vigués Gonzalo Sellés Lenard invítanos nas súas obras a unha dobre observación empírica e física e, a través das súas pinceladas, meticulosas, busca representar o intanxible, capturando o tempo de forma física. A súa creación oscila entre a abstracción e a figuración, mostrando figuras identificables coma pétalos ou follas, mentres aborda ideas tanxibles propias do abstracto. Na serie Fuzzy, que presenta nesta mostra, tamén pon sobre a mesa unha ruptura coa concepción clásica da arte, imitando a natureza de maneira non coherente.