A vicepresidenta da Deputación de Pontevedra, Luisa Sánchez, fixo entrega de medallas na Xornada Sur da Liga Galega de deporte de base de Loitas Olímpicas. Esta competición celebrouse no pavillón municipal de Teis, no que preto de 150 nenos e nenas competiron nas categorías Prebenxamín, Benxamín e Alevín. Este evento deportivo está coorganizado entre a Federación Galega de Loita e o Club de Loitas Olímpicas San Ignacio. Ademais deste último, tamén participaron o Club de Loita El Castro, o Club de Loita Kuzushi, o Club de Loita Ciudad de Vigo, todos eles da cidade olívica, o Club de Loita Pontevedra, o Club A Cambadela de A Estrada, o Club Sport Times de Crecente e o Club Graiño da Coruña.