A vicepresidenta da Deputación de Pontevedra e deputada de Deportes, Luisa Sánchez, visitou este venres o campus de verán organizado polo Club Baloncesto Seis do Nadal nas instalacións do CEIP Seis do Nadal, en Vigo, onde puido compartir tempo coa rapazada participante e co equipo técnico responsable. O campus, dirixido a deportistas nacidos entre os anos 2009 e 2020, desenvólvese en dous quendas: do 29 de xuño ao 4 de xullo e do 6 ao 11 de xullo, en horario de 10:00 a 13:30 horas. Durante a visita, Luisa Sánchez puxo en valor o labor que desenvolve o Club Baloncesto Seis do Nadal na promoción do deporte base e felicitou á entidade deportiva viguesa polos éxitos deportivos acadados esta tempada.

Galerias de imagenes