O vicepresidente da Deputación de Pontevedra, Rafa Domínguez, participou este venres no Concello de Pontevedra na presentación da I Copa de España de Sprint Olímpico de piragüismo, que ten lugar entre o 12 e o 14 de abril no Complexo Deportivo David Cal, situado no encoro do Pontillón do Castro (Pontevedra) co apoio da institución provincial. O vicepresidente salientou que “o Goberno da Deputación ten un firme compromiso co impulso do deporte a todos os niveis” e amosou o orgullo de que esta provincia “acolla probas de tan alto nivel, como xa se leva amosando toda esta semana neste mesmo recinto nos “trials olímpicos” da Federación Española de Piragüsimo, cun importante protagonismo das e dos nosos deportistas que se clasificaron e preclasificaron para París 2024”.