#CULTURA
"Pontevedra provincia, plató de cinema"
Patrocinios con entidades privadas no ámbito de producións audiovisuais
Dentro do ámbito competencial provincial, a Deputación de Pontevedra desenvolve diferentes liñas de apoio a actividades culturais, artísticas e de fomento do uso da lingua galega que se desenvolven na provincia.
Unha das fórmulas de promoción que mellor retorno sobre o investimento xeran é o patrocinio de eventos de todas as índoles: culturais, artísticos, deportivos e outros. As actividades de promoción do sector audiovisual revisten un especial interese polo obxecto destas, así como pola súa repercusión nos medios de comunicación, en tanto que a proxección de produtos audiovisuais leva asociada unha programación de difusión en diferentes medios, televisión e/ou cines e festivais, co que, en certos casos e segundo o éxito do filme, poden acadar proxección internacional e ser un medio especialmente idóneo para publicitar a provincia.
Asociar a imaxe da Deputación a este tipo de actividades, que, en canto realizadas en lingua galega e principalmente en escenarios localizados na provincia, encaixa cos obxectivos de promoción cultural e turística desta entidade, supón importantes vantaxes de difusión en diferentes medios cun impacto global importante, o que xustifica o interese no patrocinio deste tipo de actividades.
Co fin de levar a cabo actuacións de promoción cultural e turística da provincia de Pontevedra e apoiar o auxe do audiovisual galego rodado na nosa provincia, a Deputación de Pontevedra determina as condicións xerais para a realización de contratos de patrocinio con entidades privadas que desenvolvan proxectos audiovisuais ou obras de animación en galego que melloren a visibilidade e a notoriedade da provincia de Pontevedra.
- Bases (18/04/2022)
- Condicións xerais para a realización de contratos de patrocinios con entidades privadas (BOPPO 18/05/2023)
- Tramitación en sede.depo.gal