CARMEN BABIANO
A artista na gaiola
Carmen Babiano foi unha das primeiras pintoras en destacar en Galicia a finais do século xix, nun momento no que nas artes non se entendía o concepto da igualdade e o matrimonio marcaba o fin da carreira dunha muller. Ao casar co que chegaría a ser o alcalde de Pontevedra, o médico Víctor Mendoza, Carmen abandona o ámbito público, malia que tanto a prensa galega coma varios dicionarios de artistas a nivel nacional a situaban xa por riba do nivel amateur. A partir dese momento, enfocou a súa forza creadora e o seu interese polas artes na formación das súas fillas e tamén nun labor de mecenado que a converteu nunha figura clave na vida cultural pontevedresa.
podcast
FALADOIRO AQUÍ FALTAN PÁXINAS
Carmen Babiano “A artista na gaiola”
Martes 27 de febreiro ás 19 h
Vestíbulo do Museo de Pontevedra
Relatora: Beatriz de San Ildefonso Rodríguez
Beatriz de San Ildefonso Rodríguez
Natural de Vigo, é licenciada en Xeografía e Historia, na sección de Arte, nas especialidades de Museoloxía, en 1988, e de Arte Moderna e Contemporánea, en 1990.
É conservadora do Museo de Pontevedra e comisariou exposicións coma a dedicada a Elena Colmeiro ou a Silverio Rivas.
O seu campo de investigación céntrase, principalmente, na arte galega do século xx; así, foi autora de numerosos artigos de artistas coma Laxeiro, Camilo Nogueira, Rafael Alonso, Antonio Davila, Villafinez, Xavier Pousa ou Ramón Rivas, entre moitos outros; de varias biografías de artistas galegos publicadas no Dicionario bibliográfico español da Real Academia da Historia; e do libro Artes e oficios. Escola de artistas, publicado en 2021 polo Instituto de Estudos Vigueses, do que é membro numerario desde 2017.