ELISA PATIÑO
A muller paxaro
O 12 de outubro de 1913, na praia de Baltar, en Sanxenxo, unha moza galega logrou algo co que posiblemente moitas outras soñaran, mais que ningunha fixera: voar. Se temos en conta que o primeiro voo dos irmáns Wright tivera lugar en 1903, é dicir, só dez anos antes, a figura de Elisa Patiño emerxe coma a dunha pioneira ignorada nas crónicas da aviación española, que ben merece ocupar un lugar á beira de mulleres icónicas coma a francesa Raymonde Laroche, que en 1910 se converteu na primeira muller en conseguir a licenza de pilotaxe, ou a americana Harriet Quimby, que cruzou o canal da Mancha en 1911 nun voo con motor.
podcast
ROTEIRO
FALADOIRO AQUÍ FALTAN PÁXINAS
Elisa Patiño “A muller paxaro”
Milagros Bará Viñas
Realizadora e guionista audiovisual, ademais de escritora de temas relacionados coa historia e especializada na cidade de Pontevedra.
En 2002 escribiu e dirixiu a súa primeira longametraxe, Autopsia, producida por Pausoka para a FORTA. En 2014 foi comisaria da exposición “Galicia terra de músicos”, no Museo de Pontevedra, baseada no proxecto propio “Proxecto virtual de recuperación do patrimonio musical galego nos séculos xix-xx”. En 2015 “Manuel Quiroga”, no conservatorio do mesmo nome en Pontevedra, en 2017 “O patrimonio da nosa ría” e en 2022-2023 “A cidade é a pegada”, co Concello de Pontevedra.
Despois de vivir vinte anos en Madrid regresou a Pontevedra onde publica artigos históricos para o Consello da Cultura Galega ou nas revistas Galegos, Aunios, Cedofeita, AA. VV. San Roque ou Nodales. Dá conferencias e imparte cursos, ademais de crear a súa propia marca, PonteOnline, coa que desenvolve proxectos culturais e audiovisuais.
Está especializada en temas relacionados co pasado naval de Galicia, desde o 2014 publica crónica histórica local todos os domingos no Diario de Pontevedra.
En 2015 editou o seu primeiro libro sobre a historia local, Crónicas y perfiles de Pontevedra. En 2018 editou Crónicas de Pontevedra. Volumen II, en 2019 Crónicas de Pontevedra. Volumen III e en 2021 viu a luz o seu último libro Crónicas de Pontevedra. Volumen IV.