As recomendacións literarias da primeira edición e a obra das autoras participantes chegarán aos centros escolares e institutos de educación secundaria da provincia na nosa biblioteca ambulante, que permitirá achegarlles as historias escritas por mulleres ao alumnado, ao persoal docente e ás familias.

Coa itinerancia da biblioteca, facilitaráselle ao centro a listaxe de títulos, ordenada por xéneros e por idade do público lector, e tamén os nomes das autoras que poden estar dispoñibles para visitar os centros, coñecer a nosa biblioteca e manter encontros co alumnado ou participar en clubs de lectura dos centros escollidos. A visita das autoras é un ofrecemento ao centro que acolla a biblioteca.

Formato:

• Préstamo do soporte da Biblioteca Mulleres de Palabra(s) con fondos bibliográficos.
• Encontro con escritoras.

Procedemento:

• Solicitude na Sede electrónica da Deputación de Pontevedra por parte da Dirección do centro escolar.

Estancia mínima:

• Un mes.