Familia: Theaceae

Arbusto perenne

Floración no outono e no inverno

Orixe: orixinada no Xapón en 1898.

Porte e altura: arbusto ou pequena árbore de ata 6 m de altura, vigorosa e resistente, de crecemento rápido e porte lixeiramente aberto.

Follas: escuras, duns 5 cm de longo e 2 cm de ancho, lanceoladas a elípticas, coa marxe dentada a serrada e co ápice apuntado.

Flores: brancas, de 8 a 9 cm de diámetro, de 6 a 8 pétalos, coa marxe ondulada, irregular e escotada.

Froito: cápsula ovoide e rugosa.

Outros datos: floración moi longa que se estende de setembro a decembro.

Usos e curiosidades: cultívase como planta ornamental; é moi aromática.

Necesidades e cultivo: é propia de climas temperados e húmidos, con choivas abundantes. Crece mellor á sombra e ao abrigo de árbores máis altas, en solos ácidos, ricos en materia orgánica e ben drenados. Aínda que non require unha poda anual, responde moi ben a ela, e é necesaria cando se quere facer a planta máis compacta e arbustiva ou para darlle unha determinada forma. É adecuada para a formación de sebes.